月巴火乍:《天與地》係神作?

月巴火乍 – 80後蜘珠仔(成日黐住個網),周圍「食花生」,晚晚「等睇戲」。驚死蝕底咩都睇,最愛無數XX Got Talent、星光超偶、超級大道、快男超女,笑盡各地騎尼選手。
* * *
《天與地》終於在上周播出,劇集未播網上已經有唔少討論出現,包括劇集的重點情節「食人」,又有抄襲風雲,到劇集播出後對《天》的節奏、選角、鏡頭,甚至配樂都有人討論,甚至有人認為《天》屬於一部「神作」,究竟點先算係神作呢?
有網友認為,《天》可以繼十年前的《尋秦記》成為TVB的神作之一,主要是因為劇集夠大膽,節奏夠特別,唔似一般的「師奶劇」。女主角佘詩曼在一個訪問中提到,《天》節奏較慢,觀眾需要時間慢慢投入故事。不過其實這種「慢」相當吸引,甚有電影感,不會像之前一些每集都鬧幾次交的劇,讓人覺得有點煩。
製作《天》的組合戚其義和周旭明,早前在一個訪問中承認《天》是一部大膽之作,有青春純愛,也有黑暗暴力,刻意用這兩種手法打出對比的感覺。
網上也有人列出了近十年TVB的一些「神作」,包括《金枝慾孽》、《女人唔易做》、《巾幗梟雄》、《衝上雲霄》、《溏心風暴》、《創世紀》、《絕代商驕》、《天地豪情》等,這些劇集的共通點都是角色敵對分明,題材有點「踩界」,故事情節發展有突破性的轉折,對於這些「要求」,《天》暫時尚算入圍。
有讚也有彈,對於一部題材如此大膽的劇集,有觀眾認為「食人」情節太過血腥,陳豪在劇中亦過分暴力,不適合小朋友觀看。不過,就算TVB播甚麼類型的劇集,都會有人投訴的吧。