永利出局董事厚待菲官 每晚豪花6000美元

【明報專訊】永利澳門（1128）前董事局成員岡田和生（圖），之前由於涉及貪污而被踢出董事局，母公司Wynn Resorts嘅調查報告話，岡田喺2010年招待菲律賓嘅官員Naguiat到永利澳門嘅酒店時，出動嘅係貴賓中嘅貴賓款待，包括招待佢入住最貴嘅酒店房，每晚索價6000美元，即成4.68萬港紙一晚，由於Naguiat係一家大細喺澳門，調查文件仲顯示，佢要求永利送咗個名牌香奈兒手袋畀佢太太，盛惠約1.5萬元。

岡田當時係為同Naguiat傾一單喺馬尼拉嘅投資，招待咗佢一家五口去澳門玩咗5日，用咗超過39萬港紙，雖然即使掉返轉Naguiat話喺自己地頭菲律賓接訪外賓時，都會用番差唔多嘅接待規格。但喺香港特首都因為接受富豪招待而惹起全城關注時候，大家都清楚明白身為官職人員嘅操守相當重要，提供豪華款待嘅人，亦甚有賄賂之嫌。