理大民主牆 數大學生七宗罪

【明報專訊】Emily相信好多大學生都走過堂、交過劣質功課。不過最近有理大生喺校內民主牆大數「大學生七宗罪」，「罪名」包括援交、婚前性行為、追求物質生活、出貓同亂寫民主牆，惹嚟唔少學生圍觀同回應。

包括走堂援交

貼出大字報嘅學生係「07000798D」（學生證編號），3日內已引來唔少學生回應﹕「援交D人影衰POLY」、「我七樣都做齊」等。貼大字報嘅同學串錯attendance（出席）做attendence，畀其他學生批評佢「有咩資格批評大學生（交）劣質功課」。

早前理大傳出一單懷疑同援交有關嘅新聞，唔知兩件事有無關係。理大學生會會長梁永浩就話，已核實貼post者真有其人，應該係二或三年級學生，佢話可能個學生覺得問題好嚴重，所以貼出嚟畀大家討論，但相關行為係咪嚴重到要列為「罪」，就值得商榷。