公民黨獎券送東京來回機票

【明報專訊】公民黨雖然經常呻窮，但佢哋搞獎券籌款又真係幾豪，頭獎同二獎都係來回機票，公民黨吳靄儀最近幫手賣獎券，其中一張仲中咗二獎，獎品就係東京雙人來回機票。

Margaret自嘲自己一向都無中獎運，今次中獎獎券雖然係經過佢手，但獎品都係冇佢份。不過，即使係佢自己花錢買嘅獎券中獎，佢都唔會攞到獎品，因為佢早已將自己買嘅所有獎券全部送晒畀人。

講開中獎運，Margaret話佢嘅大律師樓每年新春開年，所有出席者都會得到一張六合彩，但講明無中獎運，Margaret當然無試過中獎啦。