拖國產愛妻逼銅鑼灣自由行 吳啟華兩公婆鬥大肚

(綜合報道)

(星島日報報道)吳啟華去年迎娶內地女演員石洋子，近日吳太更懷有身孕，啟華趁新劇《法網群英》未正式開工，上星期帶着腹大便便的吳太去銅鑼灣Shopping，食飯兼睇戲，實行幫老婆融入香港的生活。文：陸宜 圖：容子堂、羅卓平

　　吳啟華早年轉到內地發展，並認識現年23歲的內地演員石洋子，去年他迎娶石洋子為妻，今年吳太更成功懷孕，適逢啟華要返港拍劇，便帶同太太一同返港遊山玩水散散心。雖然太太已經懷有5個月身孕，但啟華都無有怕，上星期更帶同太太到人多車多的銅鑼灣Shopping、食飯兼睇戲，讓太太率先適應香港的擠逼生活。

　　Shopping睇多過買

　　上星期，啟華與太太到銅鑼灣時代廣場一帶Shopping，兩人在商場內行完一間又一間店鋪，但買得落手的物品卻不多。雖然啟華手上只拿着一個零食袋，但內裏其實裝滿了從名店買來的貴價品，當中亦有一些名牌Handcream。在商場逛了個多小時，啟華就與太太到戲院排隊買票睇戲。吳太負責排隊，啟華就走到票務處查看售票情況，然後向太太匯報，兩公婆非常有默契。

　　排半小時買戲飛

　　雖然吳太於內地長大，但衣着卻相當新潮，加上瘦削的身形，就算穿了一件貼身衫，亦不覺她已懷孕5個月，反而吳啟華中年發福的肚腩仔更凸出。兩人排了半小時隊，才買到兩張戲票，然後啟華便跟太太十指緊扣，再度排隊到樓上「食通天」食晚飯。食了1個半小時後，兩人才心滿意足漫步到戲院，更一邊行一邊望望最近有甚麽新片上映，期間見吳太將手輕輕放在腹部，未知是否BB剛剛睡醒，踢媽媽個肚仔呢？接着一家三口走進戲院睇好戲。

　　■吳啟華行每步路都會拖實老婆，好甜蜜。

　　■吳太身形苗條，大咗肚都唔多覺，反而啟華的肚腩仔更礙眼。

　　■排隊買戲飛排足半小時，難怪啟華都神情呆滯。

　　■吳太打扮新潮，更識露Bra帶。

　　■吳太貌似郭可盈，半點不似國貨。

　　■吳啟華十分照顧太太，上扶手電梯都扶到實。

　　■吳啟華帶同懷孕的太太到銅鑼灣自由行，食飯睇戲又Shopping，全套服務。