《疑情別戀》結局篇觀眾期待 三哥扮口吃獲網民激讚

(綜合報道)

(星島日報報道)由苗僑偉（三哥）、袁詠儀（靚靚）、田蕊妮及陳國邦主演的劇集《疑情別戀》進入結局篇，三哥與阿靚會否開花結果？田蕊妮、陳國邦與葉翠翠三角關係錯縱複離，劇情緊湊更有追看性，三哥及阿靚的影迷不容錯過。文：余潤娟

　　袁詠儀離開無綫15年，今次復出與三哥合作拍攝劇集《疑情別戀》，不但配搭新鮮，兩人還擦出演技火花！阿靚演師奶，而三哥飾演有型保鏢，劇中三哥及阿靚的老公老婆雙雙離奇逝世，三哥為追查愛妻的死因，竟扮口吃接近阿靚。

　　靚靚復出保持演技

　　有網民讚三哥扮漏口扮得幾好，又大讚三哥有型靚仔，覺得他好Man，好想知三哥的Keep Fit方法。其實三哥Keep得咁Fit全靠做運動，高爾夫球、打籃球及保齡球……樣樣皆精，他曾說過：「如果沒有運動，整個人好似泄了氣，變得沒精打采，無神無氣！當然飲食方面要配合，做完運動也不可以狂吃，平日他吃得較清淡，現代人要吃得健康。」

　　另外，不少網民也期待看靚靚的首齣復出劇，覺得她這個「傻更更」新抱很得意。阿靚與奶奶鬧交那場，令網民看到想喊，很感動！阿靚演技一流不用多說，網民留意到田蕊妮與阿靚一齊食飯所說的對白，演得夠自然、不造作，直指田蕊妮演技大有進步。過去無綫甚少開拍這類劇種，網民覺得是一個新嘗試，希望無綫嘗試不同劇種，給觀眾有更多選擇機會。

　　網民大讚《疑情別戀》

　　loklokyui :其實我覺得靚靚做得唔錯……起馬佢畀到我一個「傻更更」的感覺……仲要係佢的年紀，都令我覺得佢呢個角色好得意。

　　eddie24902005：我覺得好好睇，靚靚的演技好一流Wor，同埋呢類劇種比較少，所以我覺得無綫係新的嘗試，都OK。盧苑茵做奶奶好鬼入戲。

　　winter444：我覺得大塊田做得幾好~

　　jimslive：三哥真係太有型太靚仔啦……真係用咩方法先可以Keep到咁？

　　Tigger虎：我都覺得幾搞笑，同埋覺得靚靚做得好自然，影后果然係唔同啲。

　　蓮父：阿田真係要讚一讚，佢同靚靚一齊食飯的幾句對白裏面，已經有唔同的表情，而且做得自然唔作狀。

　　lachichi：三哥扮漏口扮得幾好。

　　love_tabo：我覺得岩岩靚靚同佢奶奶鬧交個場戲好好，兩個都有戲，睇到我都想喊~

　　■關禮傑與田蕊妮飾演保險營業員。（劇照）

　　■葉翠翠與陳國邦有不少對手戲。（劇照）

　　■三哥與靚靚演出劇中動作場面。（資料圖片）

　　■三哥與袁詠儀拍《疑情別戀》時，帶齊酒樽朱古力及壽司入廠與眾同樂。

　　（資料圖片）