龐奴現場﹕呢排最hit開心網

【明報專訊】如果要講國內近呢兩禮拜最in嘅話題玩意，肯定係開心網。

開心網係類似facebook嘅網絡，由幾個前新浪人創立，當然，用中文嚟玩，大家更有親切感。熱門程度一時無兩。唔少朋友話，想約客戶開會或朋友見面，在開心網既效率比所有其他即時通訊功具都要快。而未加入開心網，就好似好落伍咁，出嚟食飯都會無話題。

開心網五月起動，短短三個月就成為熱潮，其中一個原因係識得宣傳同引導人上網登記。佢會用你嘅msn名單嚟傳電郵比你，話係你個朋友搞咗個新網站，邀請你去登記，咁你就會無乜戒心，上去睇吓。至發現原來唔少朋友都喺上面，好多八卦，參加者寫嘅圖片說明同開嘅小組又特別有趣，名副其實好開心。只係唔知呢個係短熱潮定真係會成為主流大勢。