奧運陀表千萬成交

【明報專訊】香港蘇富比噚日舉行咗個名表拍賣，總成交額達4757萬港元，刷新咗香港蘇富比歷年最高嘅鐘表拍賣總成交紀錄。圖中「體操王子」李寧拎住嘅歐米茄陀表，名為「北京奧運—8號系列」，以962萬港元成交，係全場拍賣價最高嘅一隻。論名氣，歐米茄未必及得上百達翡麗、江詩丹頓等等，但點解可以賣到咁貴呢？原來歐米茄話會將拍賣收益捐畀「中國運動員教育基金」，以支持年輕運動員發展，仲會幫埋今年四川地震受災嘅年輕人，咁有意義，班豪客自然鬆手啲，當做善事嘛。買家係邊個？蘇富比無公布到，只話係一名亞洲收藏家。

（香港蘇富比提供）