佳叔10分鐘 詳解第三道路

【明報專訊】社民連黃毓民早前喺答問大會上面，話特首曾蔭權在《施政報告》提「第三道路」，但其實連咩係「第三道路」都唔知，仲點名鬧埋中央政策組首席顧問劉兆佳，話「累特首丟架」。Emily噚日喺一個公開活動度同佳叔傾開呢件事，點知佳叔即時重操教授故業，即場為Emily上咗10分鐘堂。

當日冇機會發言反駁嘅佳叔，噚日就解釋咗10分鐘，話第三條道路可以有廣義同狹義嘅理解，狹義嘅解釋，其實只係話希望政府走條中間嘅路線，將唔同嘅發展模式好好協調。

咁特首當日被毓民鬧完之後，有無搵返佳叔補堂呢？佳叔話特首唔使睇書，都知第三條道路究竟係乜。