上海時興私院菜

【明報專訊】呢個夏天，上海好似突然多咗唔少私院菜。乜係私院菜？以前流行私房菜，就係去私人房子上樓轉角食。咁至於私院，當然就係有個私家院子，可以露天吃喝。上海有樣特色，就係好多其貌不揚嘅弄堂入面，走入去其實好大，高高圍牆隔開就好似進入另一世界。呢類院子，唔近大路邊，即係話租金會有譜，好多甚至連門牌店名都無。可能真係外面工程太多——而家走在上海街頭，好難見唔到工地同埋圍板外寫住嘅笑口迎世博宣傳語——所以上海消費者可能就索性無眼睇，一於走入後巷窄弄堂小天地，享受私密基地樂趣。以前出名嘅私院feel小餐廳有Future Perfect、Mesa Manifesto同376，至於最近發現有長樂路嘅意大利餐廳808同南京西路嘅靜安別墅，後者極有可能係下一個泰康路小區。