公民黨遷址工廈

【明報專訊】公民黨成立時，一班大狀同專業人士組成鑽石班底，大家都睇好佢哋成為泛民新星，佢哋就租咗灣仔一間甲級寫字樓，非常符合佢哋嘅身分。點知呢幾年籌款舉步維艱，餐搵餐食餐餐清，公民黨決定短期內搬總部，Emily聽聞佢哋可能會租用天后嘅工廠大廈，黨魁余若薇無啦啦要變「工廠女工」。查實家啲工廠大廈，好多都變咗做寫字樓，租金便宜之餘，地方又大又見使，計落都有着數，只係門面當然冇咁靚。不過班大狀議員除咗開記者會，好少會駐守總部，相信問題都唔大。