余若薇囡囡 投訴美國朋友邋遢

【明報專訊】公民黨魁余若薇衣著一向講究，耳濡目染下，連佢囡囡都姿整口的。Audrey（余之洋名）噚日喺Yahoo網誌話，身在美國嘅女兒曾經喺今年甲型H1N1流感爆發初期，氣急敗壞咁向佢投訴，話佢嘅美國朋友好骯髒，冇著睡衣嘅習慣，由起身到返學到瞓覺，都係著同一套短衫短褲，用手拎口野食後，只係喺身上衣服抹一抹就算，甚至對自己瞓覺要換睡衣嘅習慣感到奇怪。

Audrey講起呢件事，係因為諗起上海為咗明年嘅世博會，發咗份《市民指南》，有成百幾項文明提示叫市民遵守，包括唔好著睡衣出街，不過上海嘅睡衣族卻依然故我。

倡睡衣「升呢」變便服

本身祖籍上海、喺香港出世嘅Audrey，就話假如自己喺上海出生同成長，可能都會成為睡衣族。佢仲獻計，話時裝設計師可以將呢個睡衣文化「升呢」，將睡衣同便服融為一體，變成一個新嘅時裝類型。睇嚟Audrey呢條橋諗得過喎。