慳電0.04% 獲獎1700萬?

如果慳電0.04%就可獲獎1700萬,真係好過中六合彩。但原來真的有這樣一個「遊戲」,那就是政府在《管制計劃協議》內定給中電的節能目標。中電只需為用戶節省其本地一年售電量的0.04%,就可獲取1700萬的額外回報,即是全體中電客戶「夾錢」給獎金中電慳電。


反觀中電剛剛舉辦一個叫「齊齊慳出個未來」的節能比賽,70萬住宅用戶,慳電最多的1000戶能獲獎,獎品是$500的電費回贈。雖然現時比賽尚未有結果,但要擠身慳電前1000戶,怎樣看也要慳數十個百分比才能勝出吧!


為何同是節能,難度會相差這麼大?中電為整個比賽付出的電費回贈總金額只是區區的50萬。中電用戶要做到70萬戶中,慳電最多的1000戶,好可能要節能超過50%,即是市民要比中電節能1000倍才有機會拿到$500電費回贈,倒過來中電只需慳電0.04%,就輕易可從市民口袋中拿回超過30倍的回報,條數好易計,中電的節能比賽,是拿客戶來開玩笑吧。


這樣對比起來,對中電未免太「著數」了,唔好俾中電「搵笨」,快啲去佢地Facebook留言,要求佢定立至少每年1%的節能目標,幫市民慳電。

中電Facebook 的Fans page:https://www.facebook.com/clpecohome