「中國白龍王」早預言吳亦凡遇劫數？曾批阿嬌婚姻失敗準確度高

吳亦凡上月底因強姦罪及聚罪淫亂罪罪成，被判有期徒刑13年及驅逐出境，惹來討論，更一度登上微博熱搜榜首。有網民就翻查紀錄，發現一名有「中國白龍王」之稱嘅算命大師早於2017年預測過吳亦凡將有一劫；而佢曾為蔡卓妍（阿Sa）、鍾欣潼（阿嬌）等藝人批算運程，準確度非常高。

當時「中國白龍王」預測吳亦凡於2020年和2021年期間會遇到刑傷，宜多做善事，少玩樂會較易化解劫數；結果吳亦凡確實涉及多宗桃色糾紛，被網民大讚神準。

「中國白龍王」2018年曾經一度表示唔睇好鍾欣潼（阿嬌）嘅感情狀況，尤其係婚姻將現危機，甚至破裂，結果阿嬌嘅婚姻的確短暫。阿嬌曾透露與賴弘國係透過朋友聚會認識，並以結婚為前提去拍拖，希望婚後可以穩定下來，故相戀4個月就宣布結婚；可惜，5月時二人突傳出離婚消息，並指已簽下分居協議書，結束逾14個月婚姻關係。當時阿嬌透過英皇發表聲明：「兩個人相處是一個大學問，雙方也不能對大家有甚麼怨言。」更指，以後唔會再回應相關新聞；而男方都有喺IG發長文公布二人已分開。

至於阿嬌好姊妹蔡卓妍（阿Sa）亦曾被「中國白龍王」批算，表示佢2017年好事難成，感情運較弱，但提及「男人很有錢」呢點；阿Sa的確與百億麻將館太子爺男友石恆聰於2017 年 4 月拍拖，應驗咗男方有錢呢點。雖然阿Sa曾多次傳出婚訊 ，但就否認，只係回應拍拖5年感情穩定，至於生B就隨緣咁話。

雖然「中國白龍王」準確度高，但佢曾批算過阿嬌事業會走下坡，不過阿嬌自參加《乘風破浪3》，喺內地人氣再度急升，故此未知「中國白龍王」嘅預算係咪真係準確。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！