「亞視一姐」薛影儀紅到內地？淘寶有阿儀人型攬枕賣

37歲薛影儀（阿儀）早前參選《亞洲小姐競選2021》，憑住獨特樣貌和氣質突圍而出，雖然佢喺首輪面試止步，不過都被亞視睇中，順勢同佢簽約成為旗下藝人。人氣爆燈嘅阿儀一入行即被ATV力捧，工作就接踵而來，而佢嘅IG已經超過3萬人追蹤，唔少網民更稱佢做「亞視一姐」。最近連內地淘寶商都睇中阿儀嘅名氣，為佢推出人型攬枕作發售。

最近有內地淘寶商以「香港小姐薛影儀抱枕港姐長攬枕霍韻璇同款周邊送朋友整蠱搞怪禮物」為標題，售賣阿儀嘅雙面攬枕，而攬枕一共有3個造型款式（全是阿儀喺亞姐面試造型粉紅色比堅尼）及4個size（小號、中號、大號及特大號），價錢由人民幣65元至188元不等。

除咗阿儀之外，連被佢以「嗰個女人」稱呼嘅「東涌羅浩楷」利愛安（Kirsten）都有一款攬枕供選擇，而款式就係Kirsten充滿佛味嘅面試港姐造型，不過淘寶商就將佢個名寫錯為「霍韻璇」。

睇返產品網頁資料，阿儀攬枕暫時已經有超過200人購買。唔少網民知道之後，紛紛留言話要買一個送俾朋友做生日禮物或愚人節禮物。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！