「威龍潘金蓮」梁茵做餐廳侍應惹閒言閒語 IG出PO懷疑有抑鬱症

現年28歲嘅梁茵（Kiko），於2013年入讀第26期無線電視藝員訓練班，其後憑處境劇《愛·回家之開心速遞》飾演勢利又貪錢，仲經常憑美貌去換取利益嘅「威龍潘金蓮」Anita而為觀眾認識。上年10月因不滿合約制度及山頭文化而離巢，與TVB結束8年賓主關係，不過佢離巢後就被爆出有經濟困難，較早前佢喺朋友介紹下到日本餐廳做侍應，雖然暫時紓解財困，不過就引嚟外間唔少閒言閒語。另外，最近佢亦再次喺幕前亮相，為《Chill歎男女》擔任主持。

超過一個月冇更新IG嘅梁茵，去到前日（31日）終於出PO透露自己近況，佢出PO指早前心情低落，更懷疑自己有抑鬱症：「有一段長時間冇喺網上社交平台出現，前陣子處於一個極之隱藏自己嘅狀態。因為不想解釋所有不實的指控，甚至懷疑自己有抑鬱症，對於朋友嘅過度關心，會感到煩擾、憂慮，不明白為什麼投身飲食行業，就給別人認為是落難。」另外，佢仲認為職業無分貴賤，人哋睇唔起自己唔緊要，自己一定要睇得起自己：「每個人都經歷過人生不同階段的轉變，為什麼要用自己的價值觀去衡量別人的人生，職業無分貴賤，憑自己雙手努力在疫症中自強不息，不渴望得到掌聲，只希望鼓舞身邊還在奮鬥，不想認輸的你，可能有很多人看不起你，但自己必須看得起自己！」

此PO一出，唔少網民紛紛留言支持佢，例如「不是落難，只轉軌道，繼續努力加油!!」、「kiko加油! 明天會更好!」、「加油，職業無分貴賤，靠雙手最有尊嚴」、「向住自己目標走就得，唔使理會其他人咁多，支持你！」、「Be yourself 相信自己價值觀繼續追夢～ support」及「別人怎樣看也不緊要，最重要做自己認為合適又喜歡的事，人生是自己掌握的 加油」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！

是日精選

Angelababy要用返本名楊穎？傳內地廣電總局新指引禁藝人用外國名

東寶小館結業︳「奇異博士」都幫襯 揸fit人露比曾獲提名金像獎男配角

口罩小姐︱「秋香」林靜莉大帽山上玩煙花被網民批違法加不負責任 凌晨公開道歉

【娛樂訪談】「愛回家Rebecca」沈可欣：二打六、茄喱啡？我無所謂！