「打波先嚟落雨」四眼男孩相隔21年變爆肌大隻仔 網民：完美演繹希望在明天

相信唔少人曾經都成日喺屋企睇電視，甚至連廣告汁都會撈埋，所以唔少陪伴港人成長的電視廣告，至今依然記憶猶新，當中必定包括社會福利署2001年生命教育廣告對白：「打波先嚟落雨，唔通連個天都唔鍾意我？」。相隔21年，廣告中嘅四眼男仔已經長大，仲由當年嘅純情小男孩變成爆肌大隻仔。

當年廣告喺一個灰暗嘅畫面，一個四眼嘅男仔被滂沱大雨打係面上，然後好灰心咁話「打波先嚟落雨，唔通連個天都唔鍾意我？」，之後佢朋友話：「我哋聽日再打過啦，聽日一定會好天嘅。」。去到第二日，四眼男仔喺球場問朋友：「你點知今日會好天㗎？」，跟住朋友話：「唔知㗎，希望在明天呀嘛～」，最後佢笑住瞓喺草地話「其實落雨又有乜好怕喎」，學識「生命滿希望，前路由我創」。

相隔21年，廣告中嘅四眼男仔鄭仲軒（Eric）已經長大成人，仲由當年嘅純情小男孩變成一個爆肌大隻仔。醉心於健身嘅佢，現時已經幾乎全身爆肌，仲參加過唔少健身比賽，更試過獲得冠軍。唔少網民睇完佢嘅爆肌相後，紛紛留言大讚：「仔大18變」、「完美演繹希望在明天」、「其實落雨有乜好驚，最多去做占」「太誇張，爆肌，但佩服毅力和耐性，很努力才做到的，讚嘆」、「真係生命滿希望」及「依家咁樣落冰雹都唔驚」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！