「東張女神」梁敏巧分享泳衣靚相晒事業線獲激讚 網民：果然事業心重呀

TVB資訊節目《東張西望》以報導社會熱點及民生議題廣受歡迎，而一眾東張女神亦成為網民熱門討論嘅議題，當中包括有份採訪何伯何太嘅梁敏巧（Maggie）。梁敏巧不時喺社交網站分享穿著小背心，露出小蠻腰或長腿嘅照片，前日（11日）更派泳衣福利照，睇到一班網民流晒鼻血。

2019年落選港姐梁敏巧，喺港姐競選完結後隨即與TVB簽下經理人合約，及後被安排主持兒童節目《Think Big天地》及《東張西望》外景，成為新一代「東張女神」。擁有34D豐滿身材嘅佢，近日去到澳門玩樂，更毫不吝嗇咁喺社交網站出PO上載性感紅色一件頭泳衣照片，5吋長嘅事業線清晰可見，「胸狠」程度爆燈。

靚相出街後，隨即吸引網民目光，引起暴動，紛紛留言大讚，例如「好正呀 女神」、「好索喔」、「男仕們流鼻血 女仕們好羨慕」、「不不……得了呀！」、「好索呀！！！Omggggggg 攝師好幸福」、「 個心就快跳出來⋯⋯」、「鼻血流乾了，索到不了。」、「呢張正到犯晒規」、「啲鼻血噴到冇晒喇」、「果然事業心重呀」及「求你！開工要這樣子穿！」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！