「東涌羅浩楷」Kirsten利愛安清唱《蒙着嘴說愛你》選港姐原因好偉大！

今年港姐入圍佳麗仲未確定，但係都幾肯定先拔頭籌嘅係被傳媒戲稱為「東涌羅浩楷」嘅Kirsten（利愛安）。睇外表Kirsten的確輸蝕，但係睇完呢集YAHOO TV《娛樂訪談》，對佢好感度一定大增！

訪問當日Kirsten都係T Shirt牛仔褸兼四眼look見人，比起唔化妝唔出門口嘅普遍港女更加率真隨意。而家全香港都知道「東涌羅浩楷」呢個朵，唔識廣東話嘅Kirsten笑住話知道有負面意思，但係都當正評咁話。至於面試當日嘅「驚人」造型，原來係佢媽咪一手包辦，因為睇落成熟啲，Kirsten強調自己平時唔會咁打扮。

點解咁有「勇氣」參加港姐？Kirsten讀幼稚園嘅時候，老師見佢生得高大，就叫佢做模特兒或者參加選美，所以都算係一圓兒時夢想。即使係鬼妹仔，但係Kirsten都跟得港姐消息幾貼，仲show自己手機IG證明有follow上屆冠軍謝嘉怡！Kirsten明白做港姐要似公仔咁靚，自己係「大碼」身型比較圓潤，參加港姐係想打破美學常規，鼓勵其他女仔去追夢。Kirsten又以欣宜同英國天后Adele做例子，即使唔係傳統美女，都可以喺娛圈生存，亦都為自己嘅身體自豪。

有喺網上發表唱作作品嘅Kirsten又即場唱兩句姜濤嘅《蒙着嘴說愛你》，不妨聽下～

雖然冇得入圍選港姐，但係Kirsten嘅表現大方得體又夠sweet，已經贏晒！

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！