「理念不同 冇辦法行落去」 樂隊ONE PROMISE宣布解散

出道近4年嘅樂隊ONE PROMISE今日突然喺IG宣布解散。佢地寫道「好遺憾同大家宣佈ONE PROMISE正式解散，因各人理念不同， 我哋冇辦法行落去，多謝大家一直對我哋嘅支持同埋陪伴」。

ONE PROMISE由盧文廸、周天衡、Anton(馮卓然)及Sora(陳羿辰)組成，前身係文廸、天衡及Sora組成嘅樂隊Empty，後來鼓手Anton加入，到2019年獲環球唱片簽約後改名ONE PROMISE。期間發展平平，最為人記得可能係林欣彤(Mag)被指介入Anton戀情，之後Mag 同Anton公開拍拖，但到上年11月就宣布分手。

ONE PROMISE所屬嘅環球唱片近年麻煩事多多，旗下嘅Gin Lee以及同環球合作近40年嘅陳慧嫻，約滿後都先後跳槽英皇。打入「叱咤我最喜愛女歌手」5強嘅陳凱詠亦決定唔續約，正被「雪藏」。去年開始北上發展嘅曾比特，又傳因為公司欠缺支持而萌生去意。而環球又同商台交惡，早前連叱咤都唔派人出席。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！