雅虎香港新聞 【電影LOL】奧斯卡得獎作《醉美的一課》拍美國版 里安納度做主角 會唔會變《醉爆伴郎團》？
今屆奧斯卡最佳國際電影得主《醉美的一課》故事講述4位中佬馬田 (麥斯米基辛 飾) 、湯美 (湯瑪士保拿森 飾) 、彼得 (拉斯蘭夫 飾) 與尼古拉 (馬諾斯米蘭 飾)，人到中年疲態盡現，工作和家庭如一潭死水。
偶然聽聞一位挪威哲學家提出適量酒精能令人豁然開朗並提高創造力的理論，四個頹廢中佬決定親身試驗。酒不離手的邱吉爾醉著都能打贏二戰，他們淺嚐幾滴，在工作期間保持微醺狀態， 初期效果令人振奮，由悶蛋阿sir變成受歡迎老師。點知越飲越失控，有人醉酒失言得罪太太，有人無埋條命！
《醉美的一課》唔止講中年危機，仲套入丹麥飲酒文化，講出酒精嘅好與壞，反思人生。導演Thomas Vinterberg拍出酒能舒壓亦能惹禍，希望不帶批判，全面敍述「酒精」好壞。
《醉》落實開拍美版電影，有傳荷里活版將由里安納度迪卡比奧飾演馬田一角！同一件事去到荷里活，都有幾多本土化設定要執，好難信依家咩都要政治正確嘅美國，可以有幾深入講酗酒！
原版主角丹麥影帝麥斯米基辛近日接受Entertainment Weekly訪問時，對於《醉》翻拍成美版感到有趣，因為每個國家對「酒精」嘅態度都唔一樣，丹麥與美國文化大不同，好奇荷里活將會如何改編。佢仲話《醉》主旨係擁抱生活、重新找尋生命真締，如果美版能夠帶出一樣嘅訊息，不妨靈活啲處理戲內飲幾多酒同點飲法。
美版《醉》如果落實由里安納度主演，其他3位中佬同事怕且都要有返咁上下名聲，網民就推舉喺《華爾街狼人》同里安納度合作過嘅Jonah Hill、佢2位老友第一代「蜘蛛俠」Tobey Maguire及《毒魔》Tom Hardy主演，如果成真都幾吸引！
其實麥斯米基辛喺荷里活發展相當好，漫威商業大片《奇異博士》都有佢份做，美版其實都可以cast返佢做其中一個角色喎！美版暫時未有公有有關細節，不過硬係覺得會見到4個發福中佬狂隊啤酒嘅畫面，千祈唔好改到不倫不類，變咗《醉爆伴郎團》！
更多電影文章
【電影LOL】《老友記》25週年特集下周推出 Lady Gaga BTS客串陣容勁到喊
【電影LOL】今期睇咩戲 《感動她77次》《太太，請小心輕放劇場版》《屠出殺樂園》《誣罪審判》
【電影LOL】外媒勁眼利 中央台一幅圖睇出 Marvel新片《尚氣》《永恆族》可能被內地封殺
【電影LOL】瘦到背脊見骨！彭于晏減磅拍《熱帶往事》演變態殺人犯
【電影LOL】被指白人主導兼恐同 電視台、影星齊齊杯葛金球獎 湯告魯斯退還獎座
【電影LOL】玉女Lily James演90年代波神 還原荷里活明星性愛片流出事件
【電影LOL】Ironman羅拔唐尼倒戈幫DC開新戲《鹿角男孩》 竟然係暗黑版《小鹿班比》？
【電影LOL】Emily in Paris 第2季全員巴黎準備開工 女主角情歸何處？
按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
