【電影LOL】成棟樓直插地底!李光洙新戲演出港人噩夢

韓國綜藝節目《Running Man》喺香港大受歡迎,早排其中一位王牌主持「長頸鹿」李光洙因傷從節目畢業,觀眾同節目拍檔都好唔捨得!離開綜藝節目嘅光洙回歸演員身份,8月即將有新戲싱크홀(台譯:《逃出深坑》)喺韓國上映。

近年韓片喺世界各地大收旺場,唔止喊苦減忽感情戲,題材越嚟越多樣化,《上流寄生族》成功衝撃奧斯卡、《屍殺列車》直頭引起喪屍片熱潮,《逃出深坑》將災難現場玩出喜感!電影由李光洙、最型「車大叔」車勝元及韓劇《請回答》系列金成均主演。

故事講述搬到首爾生活的東元(金成均 飾)儲咗11年錢,終於上到車,實現擁有自己的家的夢想。為咗紀念終於有自己嘅屋企,邀請同事金代理(李光洙 飾)和實習生恩珠(金慧峻 飾)嚟新屋慶祝,就喺大家嘻嘻哈哈開心玩樂時,整棟大廈竟突然跌落進深坑中!東元同唔啱key嘅八卦鄰居萬壽(車勝元 飾)、金代理及恩珠齊齊被困500尺地底,幾個人點樣自救?

以往災難片通常電腦特技掛帥,用極多場口展演災難破壞力驚人。災難片係導演金志勳強項,前作《火燒108大樓》、《鳴梁》等駕御唔少大場面,今次《逃》決定換個拍法,著墨喺平凡人如何面對災難多過災難現場,佢仲話為咗準確描寫危難中嘅人性而大傷腦筋。

災難片唔止天災、地球末日,原來可以玩成棟大廈直插地底。南韓電影創意無限,不停有新意念,抵佢哋受歡迎!戲中3位男主角車勝元、李光洙及金成均戲路廣乏,今次聚首一堂拍災難喜劇,驚險逃生之餘保證有得笑,一片滿足多重享受,勁過出奇蛋!

香港樓價貴世界知名,要儲夠首期上車難過登天,如果《逃》發生喺香港,儲足十幾年錢就咁化為塵土,應該笑唔出!《逃》將於8月11日南韓上映。

更多電影文章

【電影LOL】今期睇咩戲 比得兔2:走佬日記/國定殺戮日:無限狂屠/公義私刑

【電影LOL】John Cena就辱華言論道歉幫到手《F9狂野時速》內地收2億美元

【電影LOL】三大導燒2億美金!內地史上最貴電影《長津湖》參加今年康城影展

【電影LOL】白人冇份!迪士尼搵拉丁裔新人Rachel Zegler主演新版《白雪公主》

【電影LOL】Edan@MIRROR首拍賀歲片有勁敵 黃子華拍《飯戲攻心》加入戰團力爭3連霸

【電影LOL】傳朴敘俊加入拍新一集《Marvel隊長》演半人半小強Marvel Boy

【電影LOL】香港重口味導演之王 院線搞桂治洪驚世港產爆片選

【電影LOL】驚慄網劇The Swarm 木村拓哉加盟全英語演出

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!