雅虎香港新聞 【電影LOL】泰、韓恐怖片大師合作《凶靈祭》得人驚到要搞開燈放映俾細膽觀眾
韓國、泰國電影越拍越出色，唔少出品喺香港叫好叫座，依家兩地合作拍攝惡怖驚慄電影《凶靈祭》，兩大泰、韓恐怖大師破天荒合作，由韓片《哭聲》導演羅泓軫監製，《嚇鬼阿嫂》班莊比辛拿剛執導，電影喺韓國、台灣打破票房紀錄，韓國上映時收得仲勁過Marvel嘅《黑寡婦》！
套戲有咩咁勁可以打得贏Marvel超級英雌？《凶靈祭》講述泰國東北部中的一個小村落中，村民一直信奉「巴揚神」，並深信著萬物皆有靈。一隊攝製隊為拍攝名為「薩滿」的巴揚神靈媒，數月來一直跟隨著世襲家族中成為了薩滿的念。某天，念發現姪女敏的行為愈來愈怪異，似乎被不知名邪靈附身，於是設法查出真相，並借巴揚神之力驅除惡靈。
電影以「偽紀錄片」形式拍攝，穿插訪談及畫外聲等片段，營造出真實感，當攝製隊拍到發生在敏和念，以及他們家族中一連串不可思議的現象時，觀眾更易進入薩滿嘅世界。戲內有唔少即興表演增加實感，全片無鬼片見慣見熟突然嚇你一跳技倆，不過因為逼真加埋血腥鏡頭，見唔到嘅神鬼令人恐懼，完場後越諗越心寒，後座力驚人！
《凶靈祭》驚嚇十足，飾演「敏」嘅女主角Narilya Gulmongkolpech亦記一功，為咗演出被邪靈附身嘅「敏」佢特別學習肢體動作，戲中要將身體扭曲成怪異狀態外，淒厲叫聲都有好幾款，加上散渙嘅眼神都令人不寒而慄！《凶》係佢嘅電影處女作，21歲嘅Narilya係模特兒出身，私下時尚甜美同戲中角色好大對比！
電影話題度十足，不過大多以「好驚」、「嚇到唔敢自己去廁所」之類，令唔少觀眾卻步，所以韓國、台灣分別搞咗「細膽開燈場」，全場開住燈同派埋耳塞俾觀眾，減少驚嚇度，不過部份場面就算開住燈都驚，可能要派多個眼罩或者傳單掩眼先夠！
香港9月18日會搞一場「細膽開燈場」，位數有限，搶飛要快！大膽又鍾意睇恐怖片嘅朋友則可以喺下星期 9月22日正式上映時入場試膽量！
更多電影文章
【電影LOL】今期睇咩戲 禁室殺戮2／咒術屍戰／911算命律師／看不見的愛／聖慾
【電影LOL】《末日先鋒：戰甲飛車》戰車拍賣 $1起標價高未必得
【電影LOL】《22世紀殺人網絡 復活次元》玩紅藍藥丸橋段 chok出18萬款電影片段！
【電影LOL】彗星撞地球世界末日！巨星雲集《千萬別抬頭》梅麗史翠普演總統影射邊個？
【電影LOL】宮崎駿又退休唔成做企畫 吉卜力首套全電腦動畫《安雅與魔女》
【電影LOL】導演爆《水行俠2》變恐怖片 Jason Momoa造型由巨型栗米變暗綠龍王
【電影LOL】Daniel Craig最後一戰！《007 : 生死有時》上畫前夕 片商推紀錄片造勢
【電影LOL】打鬥連場 係咪虐老？75歲史泰龍拍《轟天猛將》外傳
按此下載 Yahoo APP 9月免費送一萬個蛋撻王Q嘜蛋撻，仲有貓山王榴蓮冰皮月餅/鳳梨奶黃月餅同你賀中秋，立即下載！
