【電影LOL】玉女Lily James演90年代波神 還原荷里活明星性愛片流出事件

《開心大綜藝》、《娛樂插班生》扮名人扮得超神似呢條橋，中外娛樂圈都唔厭。香港綜藝節目玩足幾十年，美國Saturday Night Live亦持續以戲謔名人政客大受歡迎，不過「扮名人」水準都有高低之分，有啲模仿值得奧斯卡小金人，有啲模仿就老士兼過時。

人物傳記片一向係荷里活大熱題材，近年有大量音樂人生平被拍成電影。唔知係咪拍太多，開始唔夠「名人」可以拍，於是改編名人花邊八卦新聞做傳記片，最近美國串流平台HULU宣布推出新劇Pam and Tommy。

無返咁上下成熟，都未必知邊個係Pam同Tommy。故事主人翁係美國一代性感女神嘅彭美拉安德遜(Pamela Anderson)及佢前夫、重金屬樂團Mötley Crüe鼓手Tommy Lee。彭美拉喺90年代憑劇集《沙灘拯救隊》（Baywatch)走紅，佢一頭金髮又有好身材，集集著住泳衣喺沙灘慢鏡頭奔跑，拯救遇溺泳客救生員一角，就咁紅咗。

當年2人相識96小時閃婚，成為娛樂熱話，可惜婚姻維持短短3年，最後離婚收場。劇集Pam and Tommy唔係講佢哋相識熱戀嘅愛情故事，而係集中「回帶」最轟動嘅花邊新聞－性愛帶流出！

故事將以當年2人蜜月期間拍咗片，之後被偷去及喺網路廣傳一事展開，當時2人將發放影片嘅公司告上法庭，最後獲得150萬美元為賠償。劇組搵嚟「灰姑娘」莉莉占士（Lily James）及「寒冬戰士」Sebastian Stan分別扮演彭美拉及Tommy Lee，而《賤鄰》男星Seth Rogen則飾演偷帶轉售嘅Rand Gauthier。

劇組近日公開Lily同Sebastian嘅造型照，2人直頭神還原本尊。選角其實都幾意外，Lily以清純角色走紅，出道以嚟又甚少賣弄身材，估唔到佢會突然「好波」接演以拍春宮片兼性感火辣見稱嘅角色，張造型照簡直同彭美拉一模一樣！

Lily近年花邊新聞比作品更吸引，先被影到同「美國隊長」Chris Evans密會，唔夠3個月又被影到同50歲人夫男演員Dominic West街頭熱吻。既然私生活被爆，索性趁機擺脫清純形象，擴大戲路！

雖然Pam and Tommy演員陣容份量有返咁上下，不過觀眾反應兩極。有人話「名人春宮片外洩」唔值得拍成劇集，亦無得本人彭美拉安德遜及Tommy Lee嘅同意。其實彭美拉依家都係53歲，keep得好好之餘仍活躍幕前，無啦啦攞返陳年舊聞出嚟拍，都幾無品！

更多電影文章

【電影LOL】Ironman羅拔唐尼倒戈幫DC開新戲《鹿角男孩》 竟然係暗黑版《小鹿班比》？

【電影LOL】今期睇咩戲 《醉美的一課》《波斯密語》《奇蹟的燒肉店》《跟你老婆去旅行》《秘密訪客》《夢魘》

【電影LOL】Emily in Paris 第2季全員巴黎準備開工 女主角情歸何處？

【電影LOL】Marvel 晒冷預告片 預視未來5年MCU有咩大片 《永恆族》片段首度曝光

【電影LOL】花姐嘅男神 許光漢新片《你的婚禮》票房鍊贏張藝謀

【電影LOL】《正義聯盟》導演新片 Army of The Dead 一班友為咗5千萬迎戰幾萬喪屍

【電影LOL】真·三國無双 ︳日本遊戲界神人親筆信力讚「非常逼真」 關羽呂布出「無双」幾秒戲搞足1年

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！