【電影LOL】迪士尼又翻新經典 《木偶奇遇記》Joseph Gordon Levitt聲演蟋蟀仔

迪士尼早前落實繼《阿拉丁》、《美女與野獸》、《獅子王》後,將經典動畫《木偶奇遇記》翻拍成live action(真人化)電影,除咗一早公佈影帝湯漢斯做小木偶嘅「爸爸」Geppetto外,終於公佈其他重要角色!

主角小木偶將由《陰宅怪事》入面好搶鏡嘅11歲童星Benjamin Evan Ainsworth聲演,狐狸Honest John由《畢業舞會》男星基根米高奇(Keegan-Michael Key)聲演,佢之前都幫《反斗奇兵4》、《鬼靈精怪大酒店2》配過音,今次聲演應該駕輕就熟!

另外喺動畫中好重戲份嘅小蟋蟀則由《潛行凶間》、《心跳500天》及《蝙蝠俠:夜神起義》男星Joseph Gordon Levitt聲演。近期就算少睇到佢幕前演出,都應該記得佢較早前曾公開徵集香港片段及相片,好有心咁製作咗條《不眠香港》(Hong Kong Never Sleeps)短片,呢樣對香港觀眾嚟講到幾加分!

翻拍經典動畫都要有新意,今次《木偶奇偶記》嘅藍仙女有別以往金髮白人形象,搵嚟曾演出《賊眉賊眼大酒店》、贏得多個東尼獎及奧斯卡最佳女配角提名嘅黑人女星Cynthia Erivo聲演。電影仲加入新角色海鷗Sofia,角色將由美劇《人在江湖》女星Lorraine Bracco聲演!

負責新版《木偶奇偶記》導演Robert Zemickis以往拍出叫好叫座《回到未來》及《阿甘正傳》等極具影響力嘅佳作,今次同湯漢斯及Josph Gordon Levitt再次合作,希望可以拍出人情味濃又發人心省嘅故事。

更多電影文章

【電影LOL】今個星期睇咩戲 《疑.媽》《好好拍電影》《90分鐘驚濤械刧》《反轉三國志》

【電影LOL】大導David Fincher 夥拍《七宗罪》編劇 幫Netflix拍暗黑新片The Killer

【電影LOL】港產抗疫電影《總是有愛在隔離》預告片見街 張繼聰張智霖肉帛相見 方力申呼吸困難

【電影LOL.金球獎2021】「黑豹」Chadwick Boseman榮膺影帝 趙婷成首位華裔女性奪最佳導演

【電影LOL】派拉蒙加入串流大戰 《職業特工隊7》上畫後個半月有得睇

【電影LOL】BTS新紀錄片 BTS: Global Takeover展現天團上位之路 ARMY必睇!

【電影LOL】台灣韓國公司互相買《想見你》《梨泰院class》版權 許光漢朴叙俊互換角色得唔得?

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!