【電影LOL】Emily in Paris 第2季全員巴黎準備開工 女主角情歸何處?

EIP
EIP

Netflix劇集有無下1季,決定因素只有1個︰就係觀看次數。所以有好評唔一定有第2季,反而評價一般但談論度高嘅劇集通常有得繼續拍,好似得罪好多法國人、劇情又離地嘅《艾蜜莉在巴黎》(Emily in Paris)就鐵定沿用原班人馬開拍第2季,剛剛女主角Lily Colins仲喺社交媒體出post,通知大家劇組已經抵達巴黎準備開工!

《艾蜜莉在巴黎》上年一推出旋即登上各地觀看次數榜首,播映28日累計超過5800萬個用戶收看,成為2020年Netflix平台最多人睇嘅喜劇!女主角Lily Collins出道多年終於一劇爆紅,憑劇首次獲得金球獎音樂及喜劇組最佳女主角,劇集更獲得金球獎喜劇組最佳劇集提名,認真威威!

EIP
EIP

不過提名一出都有唔少爭議,包括女主角演技一般,無驚喜亦唔突出;套劇本身又屬婆媽、離地夢幻愛情劇,《艾》唔值得提名咁話,之後Lily Colins仲捲入「賄選」風波。雖然最後失落獎項,不過因為獲提名而引嚟咁多負評實屬少見!

《艾》爭議聲、八卦花邊新聞勁多,一邊鬧一邊睇嘅觀眾更多,只可以話套劇有運行。全球因為疫情關係封城、封關,《艾》講一個完全唔識英文嘅美國後生女,因為上司大肚而頂咗佢個post去巴黎做社交媒體marketing。調職去外國,隨便搵條「0靚」頂已經夠兒戲,明明頂多係中層職員嘅Emily,啲名牌衫多到日日唔同款都好唔合理。

最離奇當然識親嘅巴黎男士都係型男,仲個個對佢有興趣,做嘢魯莽又唔了解兼融入法國文化,仲夠膽㗳埋法國上司𠴱細佬Timothée!咁都無事真係打工仔終極夢想!不過就因為唔現實,大家先睇得咁開心,疫情之下人人苦不堪言,係要睇啲夢幻甜劇調劑下。

上季埋咗條線Emily同型男廚師Gabriel及其女友Camille嚟個3人行,而Timothée同Antoine亦對佢有意,新一季應該會繼續發展,最後Emily情歸何處就要遲下先知。不過如無意外,新一季一樣會有好多靚衫靚景,同埋Emily開始認識法國文化,少啲逼人跟佢美式style做嘢,話哂入鄉隨俗,唔係靚女就可以橫行嘅!

更多電影文章

【電影LOL】Marvel 晒冷預告片 預視未來5年MCU有咩大片 《永恆族》片段首度曝光

【電影LOL】花姐嘅男神 許光漢新片《你的婚禮》票房鍊贏張藝謀

【電影LOL】《正義聯盟》導演新片 Army of The Dead 一班友為咗5千萬迎戰幾萬喪屍

【電影LOL】今期睇咩戲《真.三國無雙》《金錢帝國:追虎擒龍》《是夜屍了》《在星空盡頭等你》《腿》《讀心叛變》

【電影LOL】真·三國無双 ︳日本遊戲界神人親筆信力讚「非常逼真」 關羽呂布出「無双」幾秒戲搞足1年

【電影LOL】奧斯卡賽後花生 趙婷點解變趙薇?頒獎禮收視跌一半 尹汝貞答記者「我唔係狗」!

【電影LOL】梁朝偉現身 《尚氣》首支預告出爐一面倒負評 網友彈劉思慕唔靚仔

【電影LOL】Amazon一次過開拍5季《魔戒》劇集版 Season1成本已經36億!

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!