【電影LOL】Ironman羅拔唐尼倒戈幫DC開新戲《鹿角男孩》 竟然係暗黑版《小鹿班比》？

羅拔唐尼(Robert Downey Jr)宣布《復仇者聯盟》後唔再做「鐵甲奇俠」，因為已經無新嘢帶到俾個角色。可惜班fans唔係咁諗，話哂做咗10年，羅拔唐尼同「鐵甲奇俠」劃上等號，簡直係漫威宇宙功臣，班粉絲勁唔捨得，早排仲喺洛杉磯落戶口大牌廣告「Bring back Tony Stark to life」，希望漫威將「鐵甲奇俠」翻生！

《復仇者聯盟4》埋咗好多伏線，要「鐵甲奇俠」翻生一定有辦法，不過暫時羅拔唐尼似乎無意回歸漫威。《復4》後首套合家歡喜劇《怪醫D老篤》風評票房未如理想，佢嘅新作竟然轉投DC漫畫？

日前羅拔唐尼好開心喺自己twitter公開Netflix劇集《鹿角男孩》（Sweet Tooth），故事改編自DC漫畫，由Jeff Lemire創作及繪畫嘅同名漫畫，劇集由佢同太太Susan Downey齊齊監制。消息一出嚇壞粉絲們，紛紛討論佢轉投敵陣，即係意味回歸漫威無望？！

《鹿角男孩》設於末日後，講述1個半人半鹿嘅變種10歲男孩Gus一直與父親長居深山過與世隔絕嘅生活，除咗爸爸無同其他人有過接觸。因為父親因病離世，Gus終於有機會離開深山，探索新世界，先發現自己與別不同，變種身份為佢惹嚟極多兇險！

途中遇上挺身保護嘅大隻佬Jeeperd，又認識到其他變種半人獸小孩，隨後遭到Jeeperd出賣，被擄成為研究對象，原來自己身世同末日息息相關，父親竟然係引起世界末日嘅真兇？

有網民睇完預告片後覺得《鹿角男孩》似《末日先鋒：戰甲飛車》溝《小鹿班比》，飾演Gus嘅童星Christian Convery又好cute，同睇開嘅DC改編電影劇集完全唔同style，所以羅拔唐尼粉絲亦無需太緊張，一套幕前、一套做幕後，兩者無抵觸嘅。《鹿角男孩》共8集將於6月4日上架。

世事無絕對，隨住漫威新階段故事展開，話唔定羅拔唐尼抖夠又會肯返漫威客串呢。

更多電影文章

【電影LOL】今期睇咩戲 《醉美的一課》《波斯密語》《奇蹟的燒肉店》《跟你老婆去旅行》《秘密訪客》《夢魘》

【電影LOL】Emily in Paris 第2季全員巴黎準備開工 女主角情歸何處？

【電影LOL】Marvel 晒冷預告片 預視未來5年MCU有咩大片 《永恆族》片段首度曝光

【電影LOL】花姐嘅男神 許光漢新片《你的婚禮》票房鍊贏張藝謀

【電影LOL】《正義聯盟》導演新片 Army of The Dead 一班友為咗5千萬迎戰幾萬喪屍

【電影LOL】真·三國無双 ︳日本遊戲界神人親筆信力讚「非常逼真」 關羽呂布出「無双」幾秒戲搞足1年

【電影LOL】奧斯卡賽後花生 趙婷點解變趙薇？頒獎禮收視跌一半 尹汝貞答記者「我唔係狗」！

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！