丁子朗咀郭柏妍驚捱鬧 張振朗寧拍打戲 拒做書蟲

藝人張振朗昨晨在油麻地拍攝動作戲，展現靈活身手，他透露劇中個個搏老命，自己也不敢鬆懈。緋聞男女丁子朗與郭柏妍第二度合演情侶，丁子朗卻擔心吻戲會捱鬧！

張振朗、郭柏妍、丁子朗、麥詩晴和郭子豪等昨日為無綫新劇《奪命提示》開工，振朗睇武指示範動作，即學即做到「制服刀手」，反觀郭子豪起飛腿踢賊人，因姿勢問題拍了15次之多。振朗稱今次拍劇動作場面較多，見他早前被撞爆眉骨的位置仍貼上除疤貼，他表示要貼足3個月，又表示與陳山聰和劉穎鏇（Tiffany）合作很開心：「Tiffany唔識睇中文字，將劇本翻譯成拼音，辛苦過我拍打戲，我寧願打都唔查字典。山聰就凌晨6點去跑步，個個好畀心機。」

爭住獻第一次

至於郭柏妍（Rosita）與丁子朗繼《下流上車族》後再演情侶，子朗稱：「監製指導我哋嘅感情位好仔細，雖然都係做情侶，但感覺唔同咗。」問到有否咀戲？他一面尷尬地望着拍檔，Rosita即表示仍在等待劇本，子朗直言擔心錫了網民喜愛的她會被鬧。Rosita談到第一次拍動作戲，信心不大：「怕做得唔夠好，但拍落有少少鍾意。」子朗則是第一次開真槍，最難是開槍不眨眼。

提到口罩令撤銷，振朗表示已習慣健身時戴口罩以及因家有小孩，所以會繼續戴。子朗則笑言不用戴口罩的好處是若街坊入鏡可視為演員，毋須重拍，但表示不用開工會繼續戴，以助防疫，Rosita亦表認同。