下流上車族|收視高企廣受好評 江美儀林敏驄諗定慶祝活動:除女演員泳衣

《下流上車族》劇照
《下流上車族》劇照

TVB台慶劇《下流上車族》由林敏驄、鮑起靜、江美儀主演,又加入郭柏妍、羅毓儀及丁子朗等新生代演員,陣容新鮮;劇情講述車家用盡下流手段為求上車成功,道出小市民心聲,因而播出以來大受好評。日前,劇中演員齊齊出席宣傳活動並公布收視成績,跨平台直播收視最高23.9點,首集跨平台總收視25.9,成為本年度首播最高收視嘅一線劇,7天跨平台總收視26.2點,最高單集收視共有170萬2千人,係自4月以來最高單集收視嘅TVB劇集。對於收視高企,江美儀和林敏驄希望收視可衝破30點,並向40點進發;又指屆時有慶祝活動。

江美儀和林敏驄日前接受新城節目《開心大派對》大談呢次拍劇感受,江美儀表示初次與林敏驄合作,每名演員都好緊張,又指唔知對方正正經經演出會否令大家冧檔:「唔知觀眾觀感,唔知佢入唔入屋㗎嘛,我同佢講20點(收視)當贏!」如今,收視已高過預期,不過江美儀於宣傳活動就坦言唔會著泳衣慶祝,表示套劇咁貼地,諗住收視有30點就去派飯;至於林敏驄就笑指有40點的話,要各演員包括江美儀主演、郭柏妍、羅毓儀著住泳衣畀佢除,鮑起靜就等通知。林敏驄嘅回應如同平日一樣爆肚,江美儀就大爆林敏驄拍劇時都經常臨場創作新台詞,無咩人可以招架到,好在自己都接到。

《下流上車族》劇照
《下流上車族》劇照
《下流上車族》劇照
《下流上車族》劇照
《下流上車族》劇照
《下流上車族》劇照
《下流上車族》劇照
《下流上車族》劇照

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!