下流上車族｜朱凱婷首演八婆角色獲讚擺脫正經司儀形象 私下係學霸兼好媽媽

TVB台慶劇《下流上車族》除咗男主角林敏驄演技獲讚，配角林景程、朱凱婷及袁文傑等都被讚入型入格；當中朱凱婷更被大讚擺脫平日正經形象，演繹八婆角色充滿驚喜。

朱凱婷喺劇中飾演江美儀表妹鍾晞嵐，個性諸事八卦，又愛煽風點火及挑撥離間，其演繹令唔少觀眾眼前一亮，估唔到平時形象斯文大方嘅朱凱婷可以拋低包袱。其實朱凱婷係2001年香港小姐季軍兼國際慈善小姐得主，憑出色口才成為唔少大型節目御用司儀，包括香港大型煙花匯演、奧運、升旗儀式等，亦已為《東張西望》主持超過10年，奠定專業正經嘅司儀形象。

朱凱婷婚姻生活亦十分美滿，2010年與拍拖5年嘅飛機師男友Dickens結婚，翌年誕下女兒Sheryl，經常於社交平台大曬親子樂溫馨合照，仲為女兒報讀唔同興趣班，包括鋼琴、豎琴、溜冰和合唱團等，希望佢可以發掘自己嘅興趣，又會盡量抽時間陪伴女兒出席課外活動。朱凱婷亦係學霸一名，會考考獲27分，高考後入讀香港中文大學主修市場學；入行後更積極自我提升，於2006年修畢中文大學企業傳訊碩士。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！