主演作票房大收1,500萬 Ian設宴賀壽 軒仔感動想喊

藝人張敬軒今日42歲生日，繼早前獲鐵粉率先在商場「公開賀壽」後，又獲後輩陳卓賢（Ian）相約幾位摯友搞飯局慶生，令他大為感恩！而他大前晚在女粉絲的婚宴上獻唱，頓時成全場焦點。

軒仔近日喜事連連，生日前夕傳來好消息，主演的英皇電影《超神經械劫案下》票房大收約1,500萬，總算有所交代。由於農曆新年前後都忙於跑場謝票，今日生日的他已向公司請假一天，好好享受Me time，明天復工繼續出席公開活動。

而MIRROR成員Ian昨晚在中環辦壽宴慶祝「軒公誕」，兩大型男大擺帥氣甫士合照，並將照片上載至社交平台，大批粉絲留言送祝福。軒仔對Ian的貼心安排連聲道謝：「多謝陳總同幾位摯友的生日晚飯，窩心又感動。」自言差點想哭，願一切真摯的友誼都會青春常駐。

「送嫁」獻唱 全場High爆

另外，軒仔大前晚專程抽空「送嫁」，在一名女粉絲的婚禮上獻唱。當晚他一身紅衣造型Sharp醒，甫現身即炒熱全場氣氛，似乎比一對新人還要搶鏡！他現身舞台時，台下賓客紛紛站起來拍片、拍照兼歡呼，現場頓時變成小型演唱會，軒仔事後回應：「其實3年前已經知道有呢個任務，但婚禮因疫情而多次改期，今次係我確診煞停咗演唱會、康復後首次喺咁多人面前獻唱，成件事變得好有意義。」婚宴除了邀得軒仔獻唱外，曾比特及菊梓喬亦是特別嘉賓，黃建東及莊鍶敏則擔任司儀。