雅虎香港新聞 九龍灣美食｜一人薄餅專門店！推介四重芝士pizza+足料意式肉腸
疫情緩和，打工仔陸續返工，迫車迫人迫食lunch，午飯食乜好又變回office人每日例行煩惱。商廈林立的九龍灣Mega Box一帶最近開了間手工pizza店，薄餅麵糰由餐廳自製，有訂單時再加配料即焗，賣點不只新鮮，薄餅更劃一設計成一人份量(11吋長，8吋闊)，一個人原來都可以盡「吃」！
【立即讚好】全新 Yahoo Food Facebook 專頁
8吋乘11吋薄餅 適合獨食
小店名叫Chill Hea Piz，店主阿日(Yat)廚齡廿年，主力西餐，尤其擅長炮製薄餅及意粉類。首次開餐廳便撞正第五波疫情，令他大失預算，不過他也非兩手空空就開舖：「以前做餐廳累積了經驗，觀察到唔少香港人本來想食pizza，卻因為人數唔夠，怕食唔哂，索性唔order。其實pizza本身係好靈活嘅，點解唔可以直接做細個呎吋？於是我就諗到一人薄餅呢個主題。」這裡的薄餅，只得一個呎吋，一律是8吋乘11吋，每朝9am阿日就回店開始搓製麵糰，用成本較高的意大利00號麵粉，麵糰每個120克，搓好就備用。
勁足料！四重芝士
薄餅是主角，底醬當然也比一般餐廳多，大路的紅(蕃茄醬)、白(黑松露忌廉醬)外，另有藍芝士醬及辣雞醬共四種。明白商業區打工仔食lunch要快，只要接到order，阿日就把麵糰按壓推開，搽底醬，加芝士等配料，入焗爐再取出，全程大概十多分鐘，不是快餐速度，但就換來高質手工pizza。
至於常設口味，總共九款，推介這裡的「超多芝士」，即Four Cheese，以藍芝士底，加巴馬臣芝士、車打芝士及水牛芝士，芝士下得重手，鹹香惹味。想得別一點可試餐廳的每日special，隔日轉款，曾經試過加入韓式(如泡菜豬腩肉)或港式肉醬意粉作配料，也試過以川式「蒜泥白肉」作靈感去製作pizza，很有新鮮感。
捱過疫情見曙光
開業於疫情肆虐之時，阿日說開舖頭兩星期生意靜得可怕，最慘淡時，全日只得十張單。生意差，他更不夠膽請兼職幫手，試過一人就頂起全舖，幸好：「而家慢慢見到曙光，都開始儲到熟客，每日最開心就係見到熟客差唔多時間又order食物，係對我哋出品一種肯定。」Pizza價值合理又有心做，對九龍灣上班族而言，多個選擇，絕對是好事吧。
Chill Hea Piz
地址：九龍灣常悅道9號企業廣場1 期 1樓 5A-5C號鋪(地圖按此)
電話：2660 5055
全新訂座平台「Yahoo訂餐廳×Openrice」正式上線！
更多九龍灣美食推介
九龍灣美食｜元朗燒賣皇后妙舒進駐淘大花園！$12/5粒自家製香菇豬肉燒賣＋秘製辣醬
【九龍灣美食】九龍灣午餐高質茶餐廳 新鮮粟米忌廉通粉/手撕雞湯咖喱/咖喱蛋包飯
【九龍灣外賣】Deliveroo戶戶送九龍灣首設戶戶小廚 消費滿$200享75折優惠
【九龍灣火鍋】犇殿台灣火鍋任食火鍋放題 $178起食盡回本靚牛
九龍灣美食廣場Foodeli午餐推介10間 限時全單8折優惠
MUJI無印良品九龍灣旗艦店開幕！全港最大分店：日本食材/茶米/手造麵包
【今晚食乜好】唔知今晚食乜餸？立即去Yahoo Food 食譜專頁搵靈感
>>按此下載<< 全新Yahoo APP，領取最新餐廳優惠、氣炸食譜、自助餐推介、仲有飲食達人教你識煮識食，讓你成為真正全面的吃貨，立即下載！
