雅虎香港新聞 住客迪士尼酒店Staycation 露台打邊爐引熱話討論
趁暑假未完，不少家長都會帶小朋友去Staycation。繼早前有Youtuber在迪士尼酒店房內煮飯引來回響後，近日有網民在社交網站群組「香港 Staycation 酒店交流谷」發文表示朋友於IG Story轉發帖文指有人在酒店的露台打邊爐，特意開帖文詢問各網民睇法，引起熱烈討論！
___________________
按此下載全新Yahoo APP，緊貼城中好去處、Staycation攻略、行山路線、野餐地點推介，仲有新人禮等你拎，立即下載！
___________________
從照片中看到露台位置開有兩張圓檯，一個住客自備的火鍋爐和食材如肉類、蔬菜和丸等，份量足夠約4-6人。
有網民表示自己都曾經入住迪士尼酒店而認為餐飲配套嚴重不足，對於圖中行為或者會影響其他住客但依然表示理解。
有網民認為相比在房間內用膳，其實戶外用餐更易散味，只要保持乾淨是可以接受。加上若酒店無明文規定不可以在房間打邊爐，住客行為是可以接受！
「喺露台打邊爐其實都 ok 啦，至少間房唔會嗅。同埋食完清潔乾淨就可以啦」
「都係享受嘅一種，總之最後同人哋還原得乾乾淨淨我覺得問題不大」
「其實酒店俾唔俾先，如果酒店無條文規定唔俾打，其實我覺得無問題。」
持相反意見的網民對於行為表示不理解同難以接受，亦有不少人對衛生問題表示關注。
「我想知食完個湯底會倒去邊度呀？」
「點處理廚餘尼？沖落水槽？塞馬桶？」
「到底有咩原因要山長水遠抬啲煲入迪士尼打邊爐」
在網民議論的同時，亦有人幽默留言道：
「維多利亞式打邊爐 」
「住酒店住到有茶樓feel唔係人人做到」
「迪士尼可以諗諗佢 整返個三層架裝肥牛 露台套餐」
來源：FB@香港 Staycation 酒店交流谷
更多相關文章
【Staycation 酒店安全】大門、設施、房間5個最易中伏位
洗澡時浴室爆玻璃 港住客staycation 出意外 網民形容如血案現場
