備戰演唱會 陪老婆待產 陳柏宇反潮流操肌唔騷肌

歌手陳柏宇（Jason）早前與太太符曉薇（Leanne）帶同女兒Abigail一家三口影靚相賀年，出名是顧家好爸爸的Jason指過年是一個陪家人的好機會：「我唔算好傳統嘅人，冇乜習俗，唔會話節日就一定做啲乜，都係拜年派利是，不過今年要預備開騷，太太又預備開刀生B。」

想搵玄學家幫BB改名

即將迎來第二胎的Leanne說：「以前會整蘿蔔糕，都有入廚煮嘢，新年成班朋友嚟一齊食吓嘢，不過今年唔會啦，要預備生。」她透露近年亦開始找玄學家指點迷津：「其實係朋友睇開順便『搭單』，都會考慮幫BB改名。」

即將於2月4日舉行演唱會的Jason，指已收集歌迷投票想聽的心水歌，但笑言自己百厭，投票不代表會一定唱，問到會否跟隨潮流騷肌？他貫徹其百厭性格說：「依家仲興咩？咁我特登練到好大隻但唔除。」他指香港人開騷習慣曲數廿多首，但他覺得這樣不太健康：「其實外國唔係咁，只係個零鐘，但香港兩、三個鐘廿幾首歌太多，聲音狀態一定唔會係100%發揮，個騷拖咁耐觀眾都有機會覺得攰。」問到細女即將出世，是否應加場賺奶粉錢？他笑稱這是長遠問題：「開多場都幫補唔到20年嘅養育，哈哈。」