備戰《香港金曲》 緊張到標汗 炎明熹四眼造型熱身 盡擸新人獎

炎明熹變了「四眼妹」,大讚粗框眼鏡夠特別。
炎明熹變了「四眼妹」,大讚粗框眼鏡夠特別。

近期於內地竄紅的「聲夢人氣王」炎明熹,今晚於《香港金曲頒獎典禮2021/2022》強勢登場,貴為新人獎大熱的她,勢將再下一城,成為該獎項得主!

歌手炎明熹(Gigi)、王灝兒(JW)、泳兒及馮允謙等昨日出席《香港金曲頒獎典禮2021/2022》綵排,早前參與綜藝節目《聲生不息》於內地走紅的Gigi,回港後依然氣勢強勁,今晚的新人獎競逐自然成為其囊中物,加上之前於「叱咤」及「新城」奪得新人獎,故被睇高一線擸盡今年度新人獎。

對此Gigi表示:「咁睇得起我?(依家心情緊張?)緊張,雙手又出汗,我真係會努力,大家對我嘅期望,我會加油!(想唔想同Chantel一齊攞獎?)梗係想,我會協力做好每件事,不過我哋仲未見到面,應該一陣會見,反而Windy同Yumi尋日見咗,Windy仲好熱情攬住我。」粗黑框眼鏡Look現身的她,戴了漁夫帽及口罩後,根本認不出來,問到是否素顏所致?Gigi笑說:「我有化眼妝,係因為呢副眼鏡好特別,冇度數嘅,又冇真正畀大家見到我呢個四眼妹樣,所以今日畀大家睇吓。」

姚焯菲晒腿造勢

剛自新西蘭度假返港的Chantel(姚焯菲)首露面,無懼高溫到元朗出席「小菲象」歌迷會的應援活動,賀其新歌《#BFF》在網上平台收看次數逾百萬。穿上短褲晒腿的她青春逼人,在流動宣傳車前擺甫士及高舉勝利手勢,又跟粉絲互動。放假充電後明顯心情大靚的她,為到場的粉絲簽名。

姚焯菲現身元朗,被粉絲包圍。
姚焯菲現身元朗,被粉絲包圍。