傳授招牌動作 郭富城同囡囡Jam舞

城城拖着囡囡鍾意的卡通人物,格外醒神!
城城拖着囡囡鍾意的卡通人物,格外醒神!

郭富城昨日以環保大使身份出席活動,聯同人氣卡通人物推出圖書宣揚環保,談到該卡通人物的「洗腦歌」人氣高企,他笑指囡囡亦被洗腦:「佢哋鍾意自由發揮,啲舞步都會自己創作,有時跳跳吓我都會加入。(有冇教你嘅招牌動作?)佢哋都識。(夜晚同囡囡講故事?)會,佢哋鍾意公主故事,咁我梗係扮王子角色啦!」

談及日前被拍得在中環跳街舞,他透露是拍廣告:「拍咗2日,全程跳舞,排舞時差啲整傷隻腳嘅舊患,但都好耐冇喺街咁樣跳。」又透露下月將到內地拍攝元宇宙愛情電影,主力談情,應沒有親熱戲:「其實我都冇包袱,主要睇劇本。(唔捨得啲女?)依家有視像就OK,希望農曆新年前返到香港。」