傳無綫有意將Gigi/Chantel/Yumi/Aeren組港版BLACKPINK

Aeren、Gigi、Chantel & Yumi
Aeren、Gigi、Chantel & Yumi

無綫選秀節目《聲夢傳奇》決賽喺噚晚舉行,由最後5強炎明熹(Gigi)、姚焯菲(Chantel)、鍾柔美(Yumi)、何晉樂(Rock)及冼靖峰(Archie)角逐總冠軍殊榮,最終由Gigi成為三料冠軍。除咗Gigi之外,《聲夢傳奇》仲有多位人氣學員,今日有傳無綫有意將Gigi、Chantel、Yumi同文凱婷(Aeren)組成唱得又跳得嘅港版BLACKPINK,並將佢哋簽俾環球或華納。

對於大台今次嘅決定,網民意見好壞參半,不過有報道指全部學員喺受訓前,已經同無綫及星夢分別簽咗經理人和唱片合約,但無綫考慮到星夢捧歌手嘅往績,同埋最大嘅好處,所以就算簽咗星夢都可以有特別安排。最緊要係好似MIRROR咁可以團體同單飛吸粉絲同吸金,成為一個雙嬴局面。

9月先升讀中四嘅Chantel,已與無綫簽約5年,早前憑演唱《戀愛預告》人氣急升,其甜美風格令佢得到「國民初戀」嘅稱號,由參賽初期開始吸引唔少粉絲,甚至連吳業坤(坤哥)都係佢嘅粉絲。早前有報道指Chantel有個有型又叻嘅富爸爸姚輝文,於投資公司擔任首席財務官(CFO)及常務董事,家住位於荃灣半山市值2000萬豪宅。家境富裕嘅Chantel,日前就俾人見到做乖乖女孖住爸爸去尖沙咀一個樓盤收樓,兩父女穿上白衣樸素衣服,Chantel仲要素顏戴眼鏡及戴上口罩,佢哋逗留大約半個鐘完成手續,然後齊齊離開。

炎明熹
炎明熹
姚焯菲
姚焯菲
鍾柔美
鍾柔美
文凱婷(Aeren)
文凱婷(Aeren)
《聲夢傳奇決賽》截圖
《聲夢傳奇決賽》截圖
《聲夢傳奇決賽》截圖
《聲夢傳奇決賽》截圖
《聲夢傳奇決賽》截圖
《聲夢傳奇決賽》截圖
《聲夢傳奇》截圖
《聲夢傳奇》截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!