傳Ian《季前賽》戲份被刪 Edan撐兄弟:佢比較慢熱!

傳Ian《季前賽》戲份被刪 Edan撐兄弟:佢比較慢熱!
傳Ian《季前賽》戲份被刪 Edan撐兄弟:佢比較慢熱!

人氣組合MIRROR成員Edan(呂爵安),與好兄弟ERROR 4子今日(10日)齊齊出席活動,商場4、5層樓企滿粉絲,目測逾千人圍觀,場面熱鬧。

對於有指MIRROR另一成員Ian(陳卓賢)因為態度差,被公司「半雪藏」,主演劇集《季前賽》戲份被刪,令Edan「冷手執個熱煎堆」,戲份突增。Edan回應表示:「大家睇吓就算,到劇集推出,就知道我點都唔會係男一,不過明白大家想有啲話題性嘅嘢。如果大家有留意開我哋,都知道我哋好專業,我夠膽講。(咁有冇同Ian傾番?)我哋直頭冇提過,大家睇《季前賽》就知咩事。(覺唔覺得Ian性格比較輸蝕,會惹人誤會?)佢係的確比較靜同慢熱,冇可能要求一個靜嘅人突然變可愛,但如果大家有留意佢作品及談吐,就會知道佢究竟係咩人,大家要經過了解先好做判斷,唔好立亂推測。」

至於有傳粉絲私追,搞到MIRROR演唱會排練受阻,要經理人花姐出貼文作出呼籲,Edan說:「我哋真係去咗唔同地方綵排,不過花姐出貼文後,大家都好受守規矩,冇太大影響喇。」

另外,ERROR有份客串Edan處男電影,4子打趣「夾埋出幾多10秒」,又形容好想主演電影,最好以超級英雄科幻片為題材,肥仔更笑說:「拍復仇片,搵MIRROR客串!」193說:「可以開偶像劇,好似《四葉草》咁,不過我哋叫《四菊花》。」

Edan同ERROR 4子齊出席活動。
Edan同ERROR 4子齊出席活動。
Edan力撐好兄弟Ian。
Edan力撐好兄弟Ian。
Ian是非纏身。
Ian是非纏身。