優之良品疑結業 蕭正楠沈卓盈陳逸寧曾經係廣告主角 而家去晒邊?

零食專門店優之良品近日多家分店落閘暫停營業,有傳集團將會全線結業。優之良品上世紀九十年代創立,全盛時期有7百名員工,更加出過唔少宣傳廣告。既然係零食品牌,當然會搵真.年青人偶像演出,當中仲有唔少初出茅蘆嘅藝人。而家佢地去晒邊?

蕭正楠 陳逸寧

優之良品疑結業 蕭正楠沈卓盈陳逸寧曾經係廣告主角
優之良品疑結業 蕭正楠沈卓盈陳逸寧曾經係廣告主角
優之良品疑結業 蕭正楠沈卓盈陳逸寧曾經係廣告主角
優之良品疑結業 蕭正楠沈卓盈陳逸寧曾經係廣告主角

出道前做歌手前嘅蕭正楠,曾經同MODEL出身嘅Isabel拍過優之良品廣告,故事本來Edwin係入鋪頭買小食氹女朋友,經過店員Isabel熱情推介之後,竟然「轉台」想送小食俾Isabel。當時個廣告成日喺深夜時份播,Isabel因此成為唔少巴打嘅女神。後來Isabel出道成為演員,拍過港台青春劇《Y2K前的暑假》人氣更上層樓,但論真正成名作可能要數到《志明與春嬌》系列演楊千嬅個friend,金句梗係「腿張開」啦。

至於蕭正楠2002年出道成為歌手,後來星運平平,北上發展後簽約TVB,最大收穫可能係因為拍劇而識到黃翠如,仲結埋婚添。

沈卓盈 郭力行

優之良品疑結業 蕭正楠沈卓盈陳逸寧曾經係廣告主角
優之良品疑結業 蕭正楠沈卓盈陳逸寧曾經係廣告主角
優之良品疑結業 蕭正楠沈卓盈陳逸寧曾經係廣告主角
優之良品疑結業 蕭正楠沈卓盈陳逸寧曾經係廣告主角

呢條2004年嘅廣告,有令人眼前一亮嘅「沈大師」同埋樂壇新人郭力行。Jess當時入咗TVB但未有太多機會,後來因為主持《最緊要正字》為人認識。沈卓盈嘅緋聞注目度高過演技水平,2018年離巢後,好快就同內衣業富貴男友Calvin結婚,去年仲升呢做埋媽媽。

郭力行條路類似蕭正楠,出道做歌手但反應普通,2004年簽TVB,拍過《學警雄心》等劇。之後同樣係北上拍劇,2010年再回巢但亦再離開,現時主力北上拍戲,早排播嘅《家族榮耀》搵郭力行演年青版艾威,睇落又幾似。

丘凱敏

優之良品疑結業 蕭正楠沈卓盈陳逸寧曾經係廣告主角
優之良品疑結業 蕭正楠沈卓盈陳逸寧曾經係廣告主角

九十年代喺新城做DJ嘅Anna,有靚樣自然有人搵佢拍廣告同MV,其中一個就係優之良品。Anna後來加入TVB,喺外國讀過書加上夠淡定,成為當時大show以及商業活動金牌司儀之一。2012年Anna同銀行家男友拉埋天窗後淡出,而家間中同Do姐、吳美珩同劉曉彤等人飯局,幾寫意。

優之良品疑結業 蕭正楠沈卓盈陳逸寧曾經係廣告主角
優之良品疑結業 蕭正楠沈卓盈陳逸寧曾經係廣告主角

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!