克勤否認移民英國：以香港人為榮

樂壇靚聲王李克勤最近升呢成為導師級歌手，但不獲新世代參賽歌手認識。對於網上傳言指他移居英國，並安排太太及兒子做先頭部隊，他澄清絕無此事，強調從未有移民的打算。

李克勤近年在中港兩地甚為吃香，去年他在內地節目《我們的歌》表現亮眼，孖住內地男歌手周深被形容為神仙合唱，樂迷極之受落，人氣急升。今年初克勤回歸香港，獲無綫點名邀請為選秀節目《聲夢傳奇》擔任導師，成為熱話。不過在最近香港掀起一股移民潮之下，有傳育有兩子的他移民英國，更指其太太盧淑儀已低調先行帶同兩子飛到英國。

對於被傳移居英國一事，克勤昨日澄清絕無此事：「謝謝大家關心，雖然我很喜歡曼聯，但我們從來沒有移民英國或其他國家的打算。我很喜歡香港這個地方，亦以身為香港人為榮，會繼續努力工作，唱多啲好歌同大家分享。」

參賽者「我唔識佢」

忙於為《聲》演出的克勤，在日前播出的前傳中，15位參賽者先跟高層曾志偉見面，除了鼓勵一眾歌手，也叫他們好好享受今次比賽。當介紹「奶爸」克勤出場，可能一班參賽者太年輕，並非個個都識得他，14歲的姚焯菲自我介紹時坦白說：「我認得佢個樣，但唔知佢叫咩名，但我就記得爸爸成日聽佢啲歌！」而詹天文就說：「當李生行入嚟時，我第一個反應係問人佢係邊個，我真係唔識佢！」果然童言無忌。