兒子啜仔疑轉「基」 馬德鐘：唔需要太大反應

馬德鐘兒子馬在驤因身形高大及學歷高被封為城中筍盤，去年已跟美國女友分手的他，日前突然公開肉緊錫同性友人的密照，更被對方稱為男友！對於兒子疑似中途轉「基」，馬德鐘昨日回應：「唔需要太大反應！」

23歲的馬在驤去年與父親拍完劇集《我家無難事》後，待疫情稍緩即飛返澳洲完成機械工程的大學課程，日前他在社交網轉發一張畢業照，相中穿上畢業袍的他肉緊親吻一名外籍男子，對方留言：「Boyfie just graduated.（男友剛畢業。）」當中「Boyfie」是近年流行的潮語，混合「boyfriend（男友）」及「Wifey（太太）」兩詞，意思是像家庭主婦般細心及關懷備至的男朋友。

馬在驤肉緊啜面，而對方又以男友來形容他，隨即被猜測轉「基」！有指雙方都是泳隊成員，向來感情要好。被視為筍盤的他於2020年與同樣愛游泳的美國女友Marissa拍拖，但傳去年已分手。

爆阿仔早已甩拖

對於兒子分手及被猜測性取向有改變，馬德鐘昨日接受訪問時稱是「笑話」一則：「佢好似喺《我家無難事》嗰段時間已經分咗手，張相佢只係同個朋友玩，嗰日我都在場。當日成班朋友喺度玩，咪當笑話一則，幾好笑，大家唔需要太大反應。」