全民造星4︱B組《勞斯萊斯》感動評判獲好評 A組Ika被foul

​​ViuTV選秀真人騷《全民造星IV》繼續第四回合淘汰賽，上集B組嘅東東被淘汰後，最新一集（9日）Karen跌入「死亡名單」。

A組喺第二場比賽派出Emotion應戰，成員包括Ika、VAL、穎蕎、Ada仔、Ashi、Tengie及安希婷，佢哋唱出表演項目《剖白》，雖然佢哋嗰個都唱得好好，Ada仔更被馮允謙讚佢有星味，不過評判就安希婷嘅表現有意見，黃修平就話欣賞佢動咗真情，不過佢覺得呢種真情影響咗成個演出，佢仲話呢一方面係關乎專業。而余迪偉就覺得佢喊得好突兀，因為作為觀眾同聽眾係唔會體會到佢嘅情感，令整個表演好唔抵。

而只有10人嘅B組再次「曬冷」總動員演出，佢哋希望可以挑戰《全民造星III》顧定軒同Manson嘅《我們》，所以佢哋就決定表演《勞斯萊斯》，由Ivy So同暐翹飾演情侶，其他成員負責伴唱。呢個表演非常成功，獲得評判一致讚賞，當中欣宜睇到眼濕濕，仲大讚感動同好好睇。最終B組以五盞紅燈勝出，Karen暫時安全，A組Ika被即時淘汰，而下一位出局候補係安希婷。

之後繼續第3輪對決，A組主打青春活力，派出平均年齡只有18.5歲嘅Passion，成員包括阿蛋、Ariel、Candy、 Kinki、Yoyo及Day，佢哋以跳唱形式表演《七個小矮人》。佢哋表現得到評判讚賞，當中欣宜仲話Day最吸引到佢，及讚Ariel好淡定同佩服佢rap自己填嘅詞，不過如果咬字清楚啲就更好。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！