全民造星4|梁祖堯認當初睇死一班參賽者 傳「藝人阿妹組」20強止步

全民造星4|梁祖堯認當初睇死一班參賽者 傳「藝人阿妹組」20強止步
全民造星4|梁祖堯認當初睇死一班參賽者 傳「藝人阿妹組」20強止步

ViuTV皇牌選秀真人騷《全民造星IV》正熱播,今季賽制比過去更殘忍,採取即時淘汰機制,務求打造全能女團。不過,無論係花姐(黃慧君)定係觀眾都覺得今屆參賽者大不如前,導師梁祖堯仲喺IG表示喺96強表演時仲未見到個「嘩!呢個紅硬!」嘅參賽者。

不過,梁祖堯又補充已錄影30強晉級賽,被一班參賽者嘅努力而感動,希望觀眾可以一直睇落去,睇吓佢點樣自打嘴巴:「睇吓一啲我開頭覺得係災難級嘅人之後點樣擔大旗」,仲話覺得香港娛樂圈有一班熱血嘅女仔而變得有希望,同時向參賽者致歉:「我必需要向你們道歉。你哋一日一日以光速成長,用心去學習,用愛去表演,我感動得在人前人後流過無數眼淚。你哋嘅堅強,比男人有過之而無不及!我愛你哋,《造星IV》嘅每一位女漢子!而喺你哋身上亦學到太多了。」

近日亦流傳出最後20強嘅賽果,有指193胞妹郭嘉盈(3妹)、余香凝胞妹余潔滢(Zoe)、歐陽巧瑩胞妹歐陽巧霖(Bubu)已被淘汰,剩下嘅20強參賽者都係跳舞高手。

梁祖堯
梁祖堯
193胞妹郭嘉盈(3妹)
193胞妹郭嘉盈(3妹)
余香凝胞妹余潔滢(Zoe)
余香凝胞妹余潔滢(Zoe)
歐陽巧瑩胞妹歐陽巧霖(Bubu)
歐陽巧瑩胞妹歐陽巧霖(Bubu)
《全民造星IV》截圖
《全民造星IV》截圖
《全民造星IV》記者會圖片(ViuTV Facebook)
《全民造星IV》記者會圖片(ViuTV Facebook)

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!