全能司儀選拔大賽|蔡國威「六合彩之子」過檔TVB苦無機會 望爭贏比賽做台慶司儀

蔡國威

TVB將35年前嘅司儀大賽重新包裝推出《全能司儀選拔大賽2022》,節目由當年評判之一鄭裕玲(Do姐)、林盛斌(Bob)及陸浩明主持,為一班有司儀夢嘅藝員提供機會,10名參賽者將爭奪台慶夜兩大司儀席位;節目昨日(3日)已首播,並會一連兩星期逢周四及周五晚上10時半播出。

經過多輪內部面試,製作組甄選出5男5女參賽,包括吳天佑、黃耀英、蔡國威、鞏姿希、王鎮泉、吳紫韻、梁菁琳、黃頌明、黃建東及梁珈詠,透過3大考驗以贏取台慶司儀席位。第一個考驗係「負評測試」,考驗各人應變能力、談吐及大方度,參賽者需個別面對50名幕後「負評Hashtag」及現場50名觀眾當面評價;第二個考驗為1對1綜藝節目主持挑戰,將由李家鼎、譚玉瑛、黎諾懿、方力申、郭偉亮及梁芷佩擔任「主考官」,表現較差者將即時淘汰;至於第三個考驗則是壓軸舞台司儀挑戰,由唔同年代司儀界代表人物,包括鄭丹瑞、鄭裕玲、阮兆祥及森美擔任。

相隔 35 年復辦嘅司儀大賽,10名參賽者雖然同樣具備一定主持或及司儀經驗,但年資各有不同,年資最高嘅係人稱「六合彩之子」嘅蔡國威。49歲蔡國威於2005年為亞視擔任《六合彩》主持及其他大騷司儀,轉戰TVB後於2017年開始再度擔任《六合彩》主持,成為首位曾在亞視及無綫主持《六合彩》嘅藝人。坦言是次參賽係基於「乏人問津」:「我懷疑過自己人生, 你唔係做咗十年司儀同主持架喇咩?點解呢邊冇人肯用你蔡國威嘅?我又未至於放棄,我相信自己一日仲喺呢度,我都仲有機會去逐步攞番個機會返嚟。」而眾多參賽者中。以「新一代東張女神」梁菁琳經驗最淺,為2021年落選香港小姐,網民除咗大讚梁菁琳於《東張西望》採訪技巧出色,亦將焦點放於佢嘅身材與穿搭上,佢曾亦透露自己過往一直都有喺香港做動物拯救工作,準備考北美洲嘅獸醫執業試,希望多棲發展。

《全能司儀選拔大賽2022》宣傳影片截圖
《全能司儀選拔大賽2022》宣傳影片截圖
《全能司儀選拔大賽2022》宣傳影片截圖
《全能司儀選拔大賽2022》宣傳影片截圖
《全能司儀選拔大賽2022》宣傳影片截圖
《全能司儀選拔大賽2022》宣傳影片截圖
蔡國威
蔡國威
蔡國威
蔡國威
蔡國威
蔡國威
蔡國威
蔡國威

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!