「冇可能突然變可愛」 Edan為Ian拆彈:佢慢熱啫!

Edan開腔為隊友Ian護航,力撐對方只是比較靜。
Edan開腔為隊友Ian護航,力撐對方只是比較靜。

男團MIRROR成員Edan昨日現身活動,對於隊友Ian被指因態度差而遭「半雪藏」,他為好兄弟拆彈,更不惜擺自己上枱,笑言自己也非劇中男一。

Edan昨日聯同組合ERROR出席活動,對於有指Ian因態度差而被公司「半雪藏」,主演劇集《季前賽》的戲份亦被刪減,令Edan「冷手執個熱煎堆」戲份突增,Edan表示:「劇集推出後,大家就知道我點都唔會係男一。如果大家有留意開我哋,都知道我哋好專業,我夠膽講!(有冇同Ian傾番?)我哋直頭冇提過。(覺唔覺得Ian性格比較輸蝕,會惹人誤會?)佢的確比較靜同慢熱,冇可能要求一個靜嘅人突然變可愛,但如果大家有留意佢嘅作品同談吐,就知佢係咩人。」至於有指粉絲私追,令MIRROR演唱會排練受阻,他坦承其事:「我哋真係去咗唔同地方綵排,不過花姐出貼文後,大家都好守規矩,冇太大影響喇!」

操水搞到暈低

另外,Edan與新劇《I SWIM》的拍檔日前在ViuTV節目中分享拍攝的趣事,Edan自爆驚水,首次參加劇組安排的游水操練時,上水後即暈低,而隊友Stanley及Alton要飾演中五學生,2人笑言事前要做足心理準備,而導演預告該劇會拍電影版。

Edan與劇集拍檔魏浚笙和吳海昕等亮相節目造勢。
Edan與劇集拍檔魏浚笙和吳海昕等亮相節目造勢。