出post指AK口誤自稱受騷擾 蔡康年都試過講錯嘢 照稿讀被曾志偉明寸︰主持唔應該帶稿

早前叱咤頒獎禮後,MIRROR接受記者圍訪,當日由於隊長Lokman確診感染新冠病毒,副隊長AK(江㷸生)代為帶領團員受訪。不過訪問期間AK一時口快講錯新冠正名,網民聽到當然開心share,而隔離台TVB主持蔡康年亦出post「提醒」,但係冇幾耐就話受滋擾而刪post。

出post指證AK口誤自稱受騷擾 蔡康年做MC照稿讀曾被曾志偉明寸「主持唔應該帶稿」
出post指證AK口誤自稱受騷擾 蔡康年做MC照稿讀曾被曾志偉明寸「主持唔應該帶稿」

即使由電台DJ到近年轉型做財經主持,蔡康年喺TVB仍然有機會做吓活動司儀,不過經驗豐富嘅佢都試過口誤講錯嘢,又試過全程跟稿讀俾高層曾志偉當面明寸,被人「提醒」係咩感受相信佢最清楚。

出post指證AK口誤自稱受騷擾 蔡康年做MC照稿讀曾被曾志偉明寸「主持唔應該帶稿」
出post指證AK口誤自稱受騷擾 蔡康年做MC照稿讀曾被曾志偉明寸「主持唔應該帶稿」

2018年TVB《萬千星輝頒獎典禮》,開show前嘅紅地毯儀式由蔡康年做主持,但係成晚錯漏百出,叫錯龔嘉欣做鍾嘉欣,將劉穎鏇叫做梁穎鏇,連劇集《親親我好媽》都讀做《親親好媽媽》。唔熟自己台資料以外,做司儀最緊要執生,但係蔡康年喺江嘉敏未出場時就介紹咗,出場後又冇補返,表現都幾唔專業。後來蔡康年晌facebook開post向龔嘉欣道歉。

前年TVB同三大唱片公司破冰,仲因此搞個《音樂永續 樂壇共享》記者會,蔡康年作為呢壇大嘢嘅司儀,竟然全程照稿讀。後來時任TVB副總經理嘅曾志偉上台發言時,指住蔡康年話「作為一個主持就唔應該帶稿嘅」。

出post指證AK口誤自稱受騷擾 蔡康年做MC照稿讀曾被曾志偉明寸「主持唔應該帶稿」
出post指證AK口誤自稱受騷擾 蔡康年做MC照稿讀曾被曾志偉明寸「主持唔應該帶稿」
出post指證AK口誤自稱受騷擾 蔡康年做MC照稿讀曾被曾志偉明寸「主持唔應該帶稿」
出post指證AK口誤自稱受騷擾 蔡康年做MC照稿讀曾被曾志偉明寸「主持唔應該帶稿」

司儀經驗豐富嘅曾志偉似乎對蔡康年「讀稿」呢件事幾在意,之後喺綜藝節目發布會上,盛讚嗰個活動嘅司儀區永權同陳庭欣唔駛睇稿;後來獎門人上《#後生仔傾吓偈》再次解釋自己好唔贊成主持人拎稿,認為要講唔錯得嘅資料就無可厚非要睇稿,但係拎稿會成為依賴。曾志偉又話好佩服鄧梓峰,因為十郎做《歡樂滿東華》主持係連贊助嘅銀行名都背晒。

早排《法證先鋒V》再搵蔡康年做記招MC,似乎佢仲係習慣拎住一大疊司儀稿上台
早排《法證先鋒V》再搵蔡康年做記招MC,似乎佢仲係習慣拎住一大疊司儀稿上台

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!