劉穎鏇狂拉筋嗌痛

劉穎鏇自認有進步空間,希望得到更多觀眾認同。
劉穎鏇自認有進步空間,希望得到更多觀眾認同。

劉穎鏇昨日於觀塘apm出席活動,問到日前失落無綫台慶頒獎典禮「飛躍進步女藝員」可有失望?她笑言:「唔會,有觀眾讚賞已經足夠,同埋我最想陳山聰攞視帝,知道佢攞到超開心。(羨慕郭柏妍一擊即中攞女飛躍?)佢好努力,之前去咗學踩滑板,所以邊個攞都值得,大家一齊進步。」

劉穎鏇表示忙拍新劇,繼續跟山聰做拍檔:「有好多用腳踢嘅動作,雖然《超能使者》都有,但大家都應該睇到有進步空間,我之前都講過自己啲筋比較硬,依家要好努力拉筋,都幾痛。」在新劇中演臥底的她有多個造型,將拍一場穿短裙的跳舞戲,她謙稱「舞」功不太好,要好好練習。