十八年後的終極告白2.0丨何啟南獲讚演技逼真 御用奸人現實係愛妻號！

何啟南過往經常喺無綫劇集飾演反派，所以有「御用奸人」之稱，而佢今次喺劇集《十八年後的終極告白2.0》中飾演黑幫頭目「齊哥」徐友齊，與Jason（陳山聰飾）係亦敵亦友嘅合作夥伴。去到前晚（22日）嗰集，齊哥喺同Joyce（趙希洛飾）山上幽會時被Jason刺死。雖然角色名字同上一輯一樣，不過今次唔需要打打殺殺，而係飾演一個表面係正當商人，暗地做事嘅黑幫頭目。劇集出街後，唔少網民都大讚佢演技逼真。

55歲嘅何啟南唔經唔覺入行39年，佢由加入無綫開始，經常喺唔同劇集飾演反派，例如《迷》屈Dee哥、《叛逃》黑狗哥及《​​巨輪》㩒釘華等等，簡直係無綫嘅「反派專業戶」。雖然一直被定型做奸角，不過佢依然樂在其中，花心機鑽研，努力演好每一個角色，雖然佢有過轉行嘅打算，不過因為太鍾意演戲而打消念頭。佢20幾歲初入行時，因為做演員工作量唔多，唔夠收入，所以佢就去咗英國修讀電影文憑2年，學習唔同嘅製作、場地燈光效果及剪片等。佢除咗係一位演員之外，仲係製作人，製作過《烈火戰車》及《97家有囍事》等等。另外，佢曾話自己入咗行30幾年，除咗有拍劇集之外，佢亦有出外登台、接拍廣告及參與唔同電影角色去維持生活。

至於感情方面，佢嘅第一段婚姻只維持5年，之後經朋友介紹下認識任職空姐嘅太太，二人喺2017年旅行結婚，婚後一直給予幸福生活老婆，仲不時上載幸福合照，羨煞旁人，同佢平時飾演反派嘅佢完全判若兩人，名副其實係一位「愛妻號」。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！