雅虎香港新聞 【狗狗好去處】 深水埗區人寵賞花一日遊 南昌公園黃花風鈴木+元州邨杜鵑花隧道+寵物友善Cafe
踏入二月底，香港漸漸回暖，正是百花齊放之時，唔少主人都會帶埋毛孩外出賞花打卡。今次介紹的人寵賞花一日遊行程，主要圍繞深水埗區，會到南昌公園欣賞黃花風鈴木及深水埗元州邨睇杜鵑花隧道，又會到寵物友善Cafe及日式寵物超级市場，全程都可與毛孩同行，人寵都玩得夠盡興。
—
按此下載全新Yahoo APP，緊貼城中好去處、Staycation攻略、行山路線、野餐地點推介，仲有新人禮等你拎，立即下載！
—
南昌公園黃花風鈴木 花期只有一至兩星期
南昌公園係出名的賞黃花風鈴木熱點，園內種有90多棵黃花風鈴木，單單係行人徑兩旁就有30多棵，每年2-3月花開時便會形成一片黃澄澄的黃色花海，吸引眾多遊人前往賞花兼打卡。上星期尾園內的黃花風鈴木已漸漸盛開，由於花期只有兩星期左右，因此假日便人頭湧湧，大家睇花之餘記得戴口罩，做好社交距離呀！
南昌公園
地址: 深水埗深旺道20號
前往方法:
九巴 12號線– 尖東鐵路站至海麗邨(循環線)
城巴 A21號線– 機場(地面運輸中心)至港鐵紅磡站
港鐵南昌站D1出口
寵物友善Cafe IG-able爆餡吐司
從南昌公園往深水埗方向步行約15分鐘，來到位於基隆街的Kokoni Coffee。店子走日系風格，佔地約900呎，以淺木、純白及水泥灰色為主調，高高樓底，富空間感，亦設有室外座位，是間寵物友善Cafe。食物以輕食為主，如打卡名物香草蟹肉Egg Drop、鰻魚Egg Drop、抹茶雪糕等；而咖啡選用印尼及哥倫比亞混合咖啡豆，全部本地烘焙，記得嘆返杯手沖咖啡啦！
Kokoni Coffee
地址：深水埗基隆街156號地舖
營業時間：星期一至五 12nn - 6pm
前往方法: 從南昌公園往深水埗方往步行約15分鐘 / 港鐵深水埗站A2出口步行5分鐘
30米長杜鵑花隧道 尤如歐州花園
食飽飽就繼續睇花! 從Kokoni Coffee步行25分鐘或乘港鐵至長沙灣站，來到元州邨的杜鵑花隧道。呢條長達30米的杜鵑花隧道，位於元州邨的元樂樓旁邊，每逢3月初開花時，桃紅色的花朵佈滿整條隧道，尤如歐州花園一樣，吸引不少港人前來賞花。雖然2月底杜鵑花仍未爆開，相信3月初便會漸漸開花。
地址：長沙灣元州街303號元州邨元樂樓旁
前往方法: 從Kokoni Coffee步行25分鐘/ 港鐵長沙灣站C2出口
與毛孩同行 寵物界759
難得同毛孩同行，不如帶佢去位於D2 Place的日式寵物超级市場「Pet Koi Koi」揀寵物用品。店子足有5000呎，主打日本寵物產品，亦有少量台灣寵物產品。場內分成5大區域，包括日本職人手作區、寵物護理用品區、寵物食品區、寵物玩具區、老狗護理專區，足有1000款寵物用品，被譽為寵物界「759」。最正係寵物只要有牽繩，就可以跟著主人一起逛街。
Pet Koi Koi
地址：荔枝角D2 Place 1商場1F 104、106至111號舖
前往方法: 從元州邨步行15分鐘/ 港鐵荔枝灣D2出口
更多相關文章
【狗狗好去處】九龍東寵物放電一日遊 寵物攝影+寵物友善營地+大草地睇日落
【行山路線】紫羅蘭山吊鐘花盛開 賞吊鐘花路線推介 打卡欄杆位+細看法定古蹟
【本地好去處】尖沙咀親子童心一日遊 全新香港樂高探索中心/小王子限定展/小丸子期間限定店
【社交媒體移民潮】Signal貼圖合集 20個港人必下載的創意貼圖
【情人節2021】愉景灣推情人節活動 免費換愛情心鎖+餐飲回贈
【印花換購】便利店換Sanrio開運小瓷罌 購物加$38隨機換購
【本地好去處】錦田最強打卡行程 山系風鈴祭+迷你粉紅波斯菊花田+壁畫村
【本地好去處】Peppa Pig殺入鑽石山賀年 5米高金元寶熱氣球+3.5米高桃花樹
【本地好去處】錦田最強打卡行程 山系風鈴祭+迷你粉紅波斯菊花田+壁畫村
【本地好去處】流水響至鳳園一日遊 紅色落羽松/欣賞過百種蜻蜓或蝴蝶
【新年習俗】各國新年慶祝方式+禁忌 日本人初詣/韓國人吃年糕湯/越南飲苦瓜湯
