去年底動開腦手術 施明上載自拍公開光頭病況

藝人施明去年底突然發生意外頭部重創，需緊急接受開腦手術保命，當時正在深切治療部昏迷留院，情況相當危殆。一直未有見人嘅佢，尋日（16日）終於更新社交平台，更上載自拍公開病況。照片中見佢頭部仍然貼上紗布，同時亦因為需要做開腦手術而剃光頭髮，不過着上醫院手術袍嘅佢，精神唔錯，雙眼有神，但仍需留醫。